1. Samuel 17:55 - O Debleskro Lab 2024 (Sinte-Manouche)

⁵⁵ O Saul dikas, har djas o David an o kourepen ko Filistareha, oun poučas peskro pralstouno lourdestar, o Abner: “Koneskro čavo hi kova?” Oun o Abner penas: “Čačepah, miro ray, me djinau gar!”

O Debleskro Drom 2021 (Sinte)

⁵⁵ O Saul dikas, har djas o David an o kurepen ko Filistareha, un putchas peskro pralstuno lurdestar, o Abner: “Koneskro tchawo hi kowa?” Un o Abner penas: “Tchatchepah, miro rai, me djinau gar!”

1. Samuel 17:55 Iomraidhean Croise

1. Mose 42:15

Ap kova kamau te dikell, kay penenn t'mer o čačepen: Te vell t'maro terneder phraal kate! Pash o djipen o baro rayestar dau man sovel: Te vell lo gar, venn t'mer gar bouder krik.

1. Samuel 1:26

Oun yoy penas ap o Eli: “Ah, miro ray, yaake har čačo hi, kay tou djiveh: Me hom koy djouvel, kay kate tardo his oun o baro Deblestar mangas.

1. Samuel 14:50

Oun o lab o Sauleskri romyatar his Ahinoam. Kolakro dad his o Ahimaaz. Oun o Saul čivas o Abner, koleskro dad o Ner hi, pral peskre lourdende, te vell lo lengro pralstouno. O Ner his o Sauleskro kak.

1. Samuel 16:12

Kote bičras yob yekes, kay anas o Davides. Les his lole čam oun shoukar yaka. I shoukar čavo his lo. Oun o baro Devel penas: “Kava hi lo. Ste pre oun mak les o djeteha!”

1. Samuel 17:54

O David las ko shero o Goliatestar oun anas les an Yerusalem. Leskre marepaskre koola čivas lo an peskro plarhteno kheer.

1. Samuel 17:56

Oun o baro ray penas: “Pouč, koneskro čavo kava terno morsh hi!”

1. Samuel 17:58

Oun o Saul poučas lestar: “Koneskro čavo hal tou, terno morsh?” Oun o David penas: “Me hom o čavo tiro boudepaskrestar, o Isay, dran Betlehem.”

1. Samuel 26:5

Oun o David kras pes ap o drom, oun vas kote, kay o Saul peskre lourdentsa hi. Oun o David dikas koy platsa, kay o Saul pes tele čivas, te sovell lo. Oun pash o Saul his o pralstouno pral i lourdende čiddo. Leskro lab hi Abner, koleskro dad hi o Ner. Kol douy his mashkral ap i platsa čiddo, oun i tsele lourde his troul lende čidde.