1. Samuel 17:36 - O Debleskro Lab 2024 (Sinte-Manouche)

³⁶ Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

O Debleskro Drom 2021 (Sinte)

³⁶ Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”

1. Samuel 17:36 Iomraidhean Croise

2. Familjakro liil 32:17

Ninna činas o Sanherib i liil, kay lo o baro Debles, ko Devel pral Israel, praasas, oun penas: Yaake har i debla an i vavar themma pengre menshen gar dran miro vast nay lan, yaake nay lell o Devel foun o Hiskiya peskre menshen vitar gar dran miro vast.

Jesaja 10:15

O baro Devel penell: “Nay sharell pes i tover pral koleste kay leha dell? Na-a! Vitar gar hadell pes i činepaskri, hoy kasht činell, pral koleste, kay leha činell. Kova vals yaake, har te dals o kasht koles, kay les pre hadas, oun yaake har te hadals ko kotar kasht o morshes.”

Jesaja 36:15

Ma moukenn t'men dren te rakrell, te dikenn ap o baro Debleste! Te penell o Hiskiya t'menge: O baro Devel kourell pes menge oun tserdell men kote vin, oun kava foro vell gar dino an o vast o baro rayestar pral o them Assour, ma patsenn kova!

Jesaja 36:18

Shounenn gar ap o Hiskiya! Yob rhorhell t'men, te penell lo ap t'mende: O baro Devel lell men dran lengre vasta vin. Nay lan i debla vavar themendar pengre menshen vin dran o vast o baro rayestar pral o them Assour?

Ezekiel 28:10

Tou meress har yek, kay hi gar činlo ap peskro mass. Vi-themarya denn tout moulo. Kava penau me, o baro Devel.

Ezekiel 32:19

Pen ap o them Egiptia: Hal tou kanna shoukeder har i vavar themma? Dja tele pash i moulende! Čip tout pash kolende, kay hi gar činlo ap pengro mass!

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Zakarie 12:3

Ap ko tsiro krau, te vell o foro Yerusalem har i pharo bar i menshenge an hake themma. Kolla, kay kamenn les krik te hadell, doukrenn pengre vasta. Lourde dran i tsele themma ap i phoub venna, te kourenn le pen o foreha.”

Zakarie 2:8

Oun o ersto penas ap o vavareste: “Naash oun pen ko terno morsheske i doryah: An o foro Yerusalem venn yaake boud menshe oun firhe, te nay venn kek massurya troul leste.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 17:10

Oun ko Filistari penas: “Kava dives praasom i kourepangre dran o Israel, har lenge penom: Denn man yek morshes t'mendar, kay pes mantsa kourella!”

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

1. Samuel 17:35

palle nashom me leske palla oun dom an leste dren oun lom leske o bakro pale dran leskro mouy vin. Oun te hadas lo pes ap mande pre, palle taprom les pash leskri čor oun dom les moulo.

1. Samuel 17:37

Oun pale penas o David: “O baro Devel, kay las man vin dran o leveskre moussya oun dran o bereskre moussya, kova lell man ninna vin dran i vasta kava Filistarestar.” Oun o Saul penas ap o David: “Dja koy, o baro Devel djal touha!”

1. Samuel 18:17

Oun o Saul penas peske: “Miro vasteha kamau gar o Davides te marell. I Filistarya mou denn les moulo.” Doleske penas lo ap o David: “Me kamau tout miri phoureder čat, i Merab, te dell, te romedineress lat. Tou, ab i čačo morsh oun koure tout mishto an o baro Debleskro kourepen.”

1. Samuel 31:4

Oun yob penas ap koleste, kay leskro kourepaskro koova hidjrell: “Le tiro rharo oun de man moulo, yaake te venn gar kalla pash mande, kay gar činle hi ap pengro mass, oun denn man moulo, oun krenn mantsa, hoy yon kamenn!” Oun ko lourdo, kay leskro kourepaskro koova hidjrell, kamas gar. Les his bari daar. Kote las o Saul o rharo, oun moukas pes an leste perell.