1. Samuel 17:26 - O Debleskro Lab 2024 (Sinte-Manouche)

²⁶ Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

O Debleskro Drom 2021 (Sinte)

²⁶ Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

1. Samuel 17:26 Iomraidhean Croise

2. Rajengro liil 19:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

2. Familjakro liil 32:17

Ninna činas o Sanherib i liil, kay lo o baro Debles, ko Devel pral Israel, praasas, oun penas: Yaake har i debla an i vavar themma pengre menshen gar dran miro vast nay lan, yaake nay lell o Devel foun o Hiskiya peskre menshen vitar gar dran miro vast.

Nehemia 5:9

Oun me penom: “Gar mishto hi kova, hoy t'mer kay krenna! T'mer hounte djivans glan o baro Debleskre yaka, oun krans, hoy mishto hi, te nay praasens men kol vavar menshe gar, kay troul mende djivenn oun maro merepen kamenn.

Debleskri gili 44:13

Hi yaake har te bikrals tire menshen čičeske, oun lals gar boud love lenge dren, har bikral len.

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Jesaja 37:23

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 9:25

kol menshe an i themma Egiptia, Youda, Edom, Ammon oun Moab, oun lauter kolla, kay činenn pengre balla trouyel tele, oun djivenn an o moulo tato them. Ninna te hi yon oun i tsele Israelitarya činlo ap pengro mass, djivenn le, har te vans le gar činlo.

Ezekiel 28:10

Tou meress har yek, kay hi gar činlo ap peskro mass. Vi-themarya denn tout moulo. Kava penau me, o baro Devel.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Daniel 6:27

Kava hi hoy t'mendar kamau: An i tsele themma, kay me baro ray hom, hounte darell hakeno o Danieleskro Debles peskro tselo djiyestar. Yob hi o djido Devel, oun ačella hako tsireske. An kek tsiro nashrell lo peskri rayeskri zoor. I tsele tsirenge ačell lo baro ray.

Daniel 9:16

Ah, maro ray, kre pal tiro tselo čačepen! Oun mouk tiri rholi pale te djal! Ab bouder gar rhoyedo ap tiro foro Yerusalem oun ap koy berga, kay tou djival. Mer oun mare phoure anam doosh ap mende oun kram čilačo koova. Oun kolla lauter, kay djivenn troul mende, praasenn doleske tiro fores Yerusalem oun tire menshen.

Joel 2:19

Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

5. Mose 5:26

An kek tsiro nay shounas i mensho o rakepen o djido Deblestar dran i yag vin, yaake har mer, oun ačas djides?

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

1. Samuel 11:2

O Nahash penas ap lende: “Kava hi, hoy t'mentsa vin krau: Me dau hakeneske t'mendar o čačo yak vin. Yaake anau ladj ap o tselo Israel!”

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 17:10

Oun ko Filistari penas: “Kava dives praasom i kourepangre dran o Israel, har lenge penom: Denn man yek morshes t'mendar, kay pes mantsa kourella!”

1. Samuel 17:30

Oun yob rissras pes lestar oun poučas i vavarestar gomme yek kopo. Oun i lourde penan leske kol emlige laba.

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

1. Samuel 31:4

Oun yob penas ap koleste, kay leskro kourepaskro koova hidjrell: “Le tiro rharo oun de man moulo, yaake te venn gar kalla pash mande, kay gar činle hi ap pengro mass, oun denn man moulo, oun krenn mantsa, hoy yon kamenn!” Oun ko lourdo, kay leskro kourepaskro koova hidjrell, kamas gar. Les his bari daar. Kote las o Saul o rharo, oun moukas pes an leste perell.