1. Samuel 17:22 - O Debleskro Lab 2024 (Sinte-Manouche)

²² Oun o David moukas lauter, hoy les peha hi, tardo pash ko lourdeste, kay ap i platsa yak das, oun nashas kote, kay čivan pen i lourde pre. Oun har yob koy vas, poučas lo pengre phralendar, har lenge djal.

O Debleskro Drom 2021 (Sinte)

²² Un o David mukas lauter, hoi les peha hi, tardo pash ko lurdeste, kai ap i platsa jak das, un nashas kote, kai tchiwan pen i lurde pre. Un har job koi was, putchas lo pengre phralendar, har lenge djal.

1. Samuel 17:22 Iomraidhean Croise

1. Mose 37:14

Koy penas o Israel: “Dja koy oun dik, har lenge oun i bakrenge djala. Oun pen les mange!” Yaake bičras yob les dran o telstouno them Hebron. Oun yob vas pash o foro Sichem.

2. Samuel 11:7

Oun o Uriya vas pash o Davideste. Koy poučas o David lestar: “Har djal o Yoabeske, oun har djal kol lourdenge an o kourepen?”

2. Mose 18:7

Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala.

Jesaja 10:28

oun venn pash o foro Aya, oun djan vergel o foro Migron; an o foro Mikmas moukenn le pengro koova pale,

Čačepangre 18:15

Koy djan le lauter pash o Mikaeskro kheer, kay o terno Levitari his, oun poučan ko terno morshes, har leske djal.

Čačepangre 18:21

Oun yon rissran oun djan doureder, oun moukan pengre čaven oun pengre firhen glan pende te djal, lauter hoy kouč lenge his.

1. Samuel 17:21

Oun o Israel oun i Filistarya čivan pen tardo o marepaske, yek rig vergel koy vavar.

1. Samuel 25:5

Kote bičras o David deesh peskre morshendar an o foro Karmel oun penas ap lende: “Djan pre an o foro Karmel! Oun te venn pash o Nabal, palle poučenn lestar an miro lab, har leske djal,

1. Samuel 30:21

Oun o David vas pash kol douy-sheel morshende, kay yaake khino his, te nay djan le gar leha, oun ačan doleske pale pash ko tikno lengsto pani, hoy kharella Besor. Oun kolla van kanna vin pash o Davideste oun kol lourdende, kay pash leste his. Oun har o David pash lende vas, poučas lo lendar an o lačepen, har lenge djala.