1. Samuel 17:21 - O Debleskro Lab 2024 (Sinte-Manouche)

²¹ Oun o Israel oun i Filistarya čivan pen tardo o marepaske, yek rig vergel koy vavar.

O Debleskro Drom 2021 (Sinte)

²¹ Un o Israel un i Filistarja tchiwan pen tardo o marepaske, jek rig wergel koi wawar.

1. Samuel 17:21 Iomraidhean Croise

Ruth 1:2

Leskro lab his Elimelek. Oun leskri romni kharas Naomi. Oun leskre douy čave kharan Malon oun Kilyon. Oun yon his dran i familya Efrat dran Betlehem an o them Youda. Oun yon van an o them Moab oun ačan koy.

1. Samuel 17:20

Kote stas o David sik taysarlakro pre, oun moukas i vavares ap i bakre yak te dell. Oun las ko tselo rhapen peha, oun djas koy, yaake har o Isay leske penas. Oun vas pash koy lourdengri platsa ap ko tsiro, har i tsele lourde vin djan hakeno ap peskri platsa o marepaske. Oun yon dan i bari kourepaskri gole.

1. Samuel 17:22

Oun o David moukas lauter, hoy les peha hi, tardo pash ko lourdeste, kay ap i platsa yak das, oun nashas kote, kay čivan pen i lourde pre. Oun har yob koy vas, poučas lo pengre phralendar, har lenge djal.

1. Samuel 4:2

Oun i Filistarya djan ap i Israelitaryen pre. Oun o kourepen vas pharo. Oun i Filistarya dan i Israelitaryen yaake phares, te meran lendar star-zerya (4.000) morsha an kava marepen.