1. Samuel 17:10 - O Debleskro Lab 2024 (Sinte-Manouche)

¹⁰ Oun ko Filistari penas: “Kava dives praasom i kourepangre dran o Israel, har lenge penom: Denn man yek morshes t'mendar, kay pes mantsa kourella!”

O Debleskro Drom 2021 (Sinte)

¹⁰ Un ko Filistari penas: “Kau diwes praassom i kurepangre dran o Israel, har lenge penom: ‘Denn man jek murshes tumendar, kai pes mantsa kurella!’”

1. Samuel 17:10 Iomraidhean Croise

2. Samuel 21:21

Oun yob praasas o Israel. Oun o Yonatan, koleskro dad o Shimea his, das les moulo. O Shimea his i phraal o Davidestar.

2. Samuel 23:9

Pal koleste vas o Elazar, koleskro dad o Dodo hi, dran o gab Ahoa. Yob his yek kol trinendar, kay pash o Davideste an Pas-Dammim his, har kol Filistarya kote khetne van, te kourenn le pen i Israelentsa, oun i Israeleskre lourde tserdan pen pale.

2. Rajengro liil 19:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Nehemia 2:19

Kote his ninna morsha, kay praasan men oun san pral mende, har shounan le kova. Yon his o Sanballat, ko Horonari, oun leskro boudepaskro, o Tobiya, ko Ammonari, oun o Geshem, ko Arabari. Kolla penan: “Hoy hi kova, hoy kote krenn? Kamenn t'mer o baro rayestar tele te perell?”

Gosewe laba 16:18

Koon pes bares krell, vell phagedo. Oun i pre-phourdo mensho perell.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

1. Samuel 17:11

Oun o Saul oun o tselo Israel shounan kol laba, hoy ko Filistari penas, oun lan traash oun daran lestar.

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

1. Samuel 17:45

O David penas: “Tou veh pash mande i rhareha, i lengsto čouryeha oun i vitsepaskro čouryeha. Me vau pash toute an o lab o baro Deblestar, ko rayestar pral o bolepen oun i phoub, kay o Devel pral i Israeleskre lourdende hi, kones tou praasal.