1. Samuel 16:4 - O Debleskro Lab 2024 (Sinte-Manouche)

⁴ Oun o Samuel kras, hoy o baro Devel leske penas, oun djas an o foro Betlehem. Kote van i phoureder dran o foro pash leste, oun poučan lestar darenes: “Hoske val kay? Kharella kava menge lačepen?”

O Debleskro Drom 2021 (Sinte)

⁴ Un o Samuel kras, hoi o baro Dewel leske penas, un djas an o foro Betlehem. Kote wan i phureder dran o foro pash leste, un putchan lestar darenes: “Hoske wal kai? Kharella kawa menge latchepen?”

1. Samuel 16:4 Iomraidhean Croise

1. Mose 35:19

Oun i Rachel meras oun vas paskedo ap o drom pash o foro Efrata. Kova hi kanna Betlehem.

1. Mose 48:7

Me krau kova miri romyake Rachel, kay hi tiri day. Yoy meras an o them Kanaan, har vom dran Paddan. Homs ap o drom, i tikno kotar glan o foro Efrata. Oun me paskrom lat kote pash o drom, hoy djal an Efrata. Kova hi kanna Betlehem.”

2. Samuel 6:9

Oun o David trashas o baro Deblestar ap ko dives, oun penas: “Har nay lau me o baro Debleskro morhton pash mande?”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

1. Rajengro liil 2:13

Oun o Adoniya, koleskri day i Haggit hi, vas pash i Batsheba, o Salomeskri day. Oun yoy penas: “Veh tou pash mande an o lačepen?” Oun yob penas: “Ava.

2. Rajengro liil 9:22

Har o Yoram o Yehou dikas, poučas yob: “Avenn t'mer an o lačepen?” Koy penas lo: “Hoy – an o lačepen? Har nay vah an o lačepen yaake rah har tiri day, i Isebel, sharell moule deblen oun krell bengeskro koova?”

Hosea 11:10

Palle djan le o baro Debleske palla, oun yob dell gole har i levo, ava, yob dell gole har i levo, oun leskre čave venn trisslepah pash leste foun kotar, kay o kham tele djal.

Hosea 6:5

Doleske bičrom t'menge mire rakepangre. Oun lengro rakepah dau me t'men khetne, oun marau t'men mire labentsa, hoy venn dran miro mouy. Miro čačepen vell glan har o kham.

Louka 2:4

Oun o Yosef djas peskri pirnyah, i Maria, dran o foro Nazaret, hoy an o them Galilea čiddo hi. Oun yon djan an o foro Betlehem an o them Youdea, te moukenn le kote pengre laba pre te činell. An ko foro his o baro ray David glan i rah tsiro boldo. Oun o Yosef his o Davideskre menshendar. I Maria his ap ko tsiro an vavar koova.

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

Louka 8:37

Oun i bari daar vas ap lende. Oun kol boud menshe dran o them Gerasa penan ap o Yezouseste: “Mer mangah tout: Dja touke mendar!” Oun yob djas an o bero, oun ouleras pale.

1. Samuel 21:1

Oun o David kras pes ap o drom oun djas peske. Oun o Yonatan djas pale an o foro.