1. Samuel 16:18 - O Debleskro Lab 2024 (Sinte-Manouche)

¹⁸ Oun yek kol terne morshendar penas: “Shoun, o Isay dran Betlehem, les hi i čavo, ko hayvell i harfa lačes te bashrell. Ninna hi lo i čačo morsh, kay hayvell pes mishto te marell. Oun yob hatsella hako tsiro i laba, hoy penlo hounte venn. Oun yob hi i shoukar morsh. Oun o baro Devel hi leha.”

O Debleskro Drom 2021 (Sinte)

¹⁸ Un jek kol terne murshendar penas: “Shun, o Isai dran Betlehem, les hi i tchawo, ko haiwell i harfa latches te bashrell. Ninna hi lo i tchatcho mursh, kai haiwell pes mishto te marell. Un job hatsella hako tsiro i laba, hoi penlo hunte wenn. Un job hi i shukar mursh. Un o baro Dewel hi leha.”

1. Samuel 16:18 Iomraidhean Croise

1. Mose 39:2

Oun o baro Devel his pash o Yosefeste. Lauter, hoy yob kras, his mishto. Oun yob ačas an o kheer peskro egiptikro rayestar.

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

2. Samuel 14:20

Yob kamas kova gar touke an o mouy te penell. Tou, miro baro ray, hal yaake gosevo har o Debleskro bolepaskro, oun djineh halauter, hoy ap i phoub djala.”

2. Samuel 17:10

Palle lell hakeno daar, ninna te hi lo i kourepaskro, oun les i dji hi har i levo. O tselo Israel djinella, kay tiro dad i čačo morsh hi, oun leskre lourde čače kourepangre hi.

2. Samuel 17:8

Tou prindjreh tiro dades oun leskre lourden, kay hi zorele kourepangre oun rhoyedo har i divyo dayengro firho an o veesh, koleske yek i ternen krik las. Ninna hi tiro dad i lourdo, kay prindjrell o kourepen. Yob sovell gar pash i vavar lourdende.

Gosewe laba 12:8

Kones gosevo koova an o shero hi, kova vell sharedo. Kones dinelo koova an o shero hi, ap koleste dikenn le tele.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.

1. Samuel 16:12

Kote bičras yob yekes, kay anas o Davides. Les his lole čam oun shoukar yaka. I shoukar čavo his lo. Oun o baro Devel penas: “Kava hi lo. Ste pre oun mak les o djeteha!”

1. Samuel 16:17

Koy penas o Saul ap peskre boudepangre: “Mishto, djan oun dikenn t'men trouyel pal sau morsheste, kay hayvell lačes te bashrell, oun anenn les pash mande!”

1. Samuel 16:19

Kote bičras o Saul morshen pash o Isay oun moukas leske te penell: “Biče o Davides pash mande, tiro čaves, kay pash i bakrende hi!”

1. Samuel 17:12

O David his o čavo ko morshestar Isay dran o kheer Efrat, kay djivas an o foro Betlehem an o them Youda. Koles his orhta morsh čave. Oun an ko tsiro, har his o Saul o baro ray, his o Isay i phouro morsh.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.