1. Samuel 15:3 - O Debleskro Lab 2024 (Sinte-Manouche)

³ Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”

O Debleskro Drom 2021 (Sinte)

³ Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”

1. Samuel 15:3 Iomraidhean Croise

1. Mose 36:12

O Elifas, les his i douyti romni. Lakro lab hi Timna. Yoy anas o Amalek ap i phoub. Kolendar lauterendar hi o Esaeskri romni Ada i mami.

2. Samuel 1:8

Oun yob poučas mandar: Koon hal tou? Me penom ap leste: Me hom i Amalekari.

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

4. Mose 24:20

Oun har o Bileam kol Amalekarya dikas, penas lo kal laba: “Amalek hi ko pralstouno mashkral kol natsyone. Ninna yob vell maredo an ko tsiro, hoy vella.”

4. Mose 31:17

Kanna, denn moulo kol tsele morsh čaven, oun kol tsele djouvyen, kolen i rom his.

Josua 10:39

oun lan o foro dren, ninna kol forya, hoy troul o foro Debir his. Oun yon dan lengro baro rayes oun i tsele menshen o rhareha moulo, oun moukan kekes te nashell. Yaake har lo kova o foreha Hebron oun o foreha Libna oun leskro baro rayeha kras, kras lo ninna o foreha Debir oun leskro baro rayeha.

1. Samuel 14:48

Yob his i čačo morsh oun maras i Amalekarya, oun las o Israel dran kolengre vasta vin, kay lendar randan.

1. Samuel 15:18

Oun o baro Devel bičras tout pash i čilače Amalekarya oun penas touke: Mare len oun de lauter paash, hoy len hi! Koure tout lentsa, bis te lauter moulo hi.

1. Samuel 15:9

O Agages oun i feteder bakren oun groumyen moukas o Saul oun leskre morsha te djivell, ninna i feteder firhen oun i tikne bakren oun lauter, hoy boud moldo hi. Kova lauter kaman le gar te marell. Kokres kova, hoy nasselo oun gar boud moldo his, kova maran le.

1. Samuel 22:19

Ninna an o foro Nob, kay i rashaya djivan, moukas o Saul lauteren te marell o rhareha, morshen oun djouvyen, čaven oun ternepen. Ninna i groumyen oun i bourike oun i bakre das lo o rhareha moulo.

1. Samuel 27:9

Oun kay o David an kava them dren peras, kote moukas lo kek morshes oun kek djouvyat djides, oun las i tsele bakre oun groumya, bourike oun khamele, oun kol tsele ripya peha, oun djas pale pale pash o Akish.

1. Samuel 30:17

Oun o David peras pral lende o vavar dives taysarlakro oun maras len o tselo dives bis ap i rat. Oun kek lendar nay nashas peske, kokres 400 (star-sheel) terne morsha beshan ap khamele, oun nashan.