1. Samuel 14:40 - O Debleskro Lab 2024 (Sinte-Manouche)

⁴⁰ Koy penas lo ap lende: “T'mer venn ap koy rig tardo, oun me oun miro čavo Yonatan ap kay rig.” “Kre kova, hoy an tire yaka mishto hi”, penan le.

O Debleskro Drom 2021 (Sinte)

⁴⁰ Koi penas lo ap lende: “Tumer wenn ap koi rig tardo, un me un miro tchawo Jonatan ap kai rig.” “Kre kowa, hoi an tire jaka mishto hi”, penan le.

1. Samuel 14:40 Iomraidhean Croise

2. Samuel 15:15

Koy penan o baro rayeskre an-dikle morsha ap leste: “Tou hal maro ray, oun mer ham tire boudepangre. Mer krah yaake har tou, baro ray, kameh.”

1. Samuel 1:23

Oun lakro rom Elkana penas ap late: “Kre yaake har tou kameh, ač kay, bis te yob phouro doha hi. Mou rikrell o baro Devel lauter, hoy yob pral kava čaveste penas!” Yaake ačas koy romni khere oun das o čaves o beč, yaake rah bis te yob phouro doha his.

1. Samuel 14:36

Oun o Saul penas: “Mer lah gomme kay rat i Filistaryen palla oun randah len vin, bis te vell o nevo dives. Moukenn kekes lendar djido!” “Mishto”, penan le. “Mer krah, hoy an tire yaka čačo hi.” O rashay penas: “Poučas o Deblestar, hoy te kras!”

1. Samuel 14:39

Ninna te vals kova miro čavo Yonatan, hounte merals lo. Kova dau me man sovel pash o djido Debleste, kay ap o Israeleskri rig hi.” Oun kek i tsele lourdendar penas čomone.

1. Samuel 14:41

Oun o Saul penas ap o baro Debleste: “Tou Devel pral o Israel, hoske rakral kava dives gar mantsa, tiro boudepaskreha? Hi i doosh ap mande? Hi li ap miro čaveste Yonatan? Baro Devel, tou Devel pral o Israel, palle sike kova o barreha, hoy kharell momeli. Hi i doosh čiddo ap tire menshende Israel, palle sike kova o barreha, hoy kharell čačepen!” Koy sikran i barra, kay hi i doosh čiddo ap o Yonatan oun ap o Saul. I menshen Israel his kek doosh.

1. Samuel 14:7

“Kre lauter, har tou les kameh”, penas ko terno morsh. “Me djau touha. An hako koova, hoy tou ninna kreh, me hom pashel.”