1. Samuel 14:3 - O Debleskro Lab 2024 (Sinte-Manouche)

³ An ko tsiro his o Ahia o rashay oun rivas koy damdira, hoy rivenn i rashaya. Koleskro dad his o Ahitoub, koleskro phraal his o Ikabod. Lengro dad his o Pinhas, leskro dad his o Eli, kay his o baro Debleskro rashay an o foro Shilo. I lourde djinan gar, te djas peske o Yonatan.

O Debleskro Drom 2021 (Sinte)

³ An ko tsiro his o Achija o rashai un riwas koi damdira, hoi riwenn i rashaja. Koleskro dad his o Ahitub, koleskro phraal his o Ikabod. Lengro dad his o Pinhas, leskro dad his o Eli, kai his o baro Debleskro rashai an o foro Shilo. I lurde djinan gar, te djas peske o Jonatan.

1. Samuel 14:3 Iomraidhean Croise

1. Samuel 1:3

Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.

1. Samuel 14:36

Oun o Saul penas: “Mer lah gomme kay rat i Filistaryen palla oun randah len vin, bis te vell o nevo dives. Moukenn kekes lendar djido!” “Mishto”, penan le. “Mer krah, hoy an tire yaka čačo hi.” O rashay penas: “Poučas o Deblestar, hoy te kras!”

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.

1. Samuel 2:28

Dran i tsele familye, kay venna kol deesh-te-douy Israeleskre čavendar, rodom me o kheer Aron vin, te venn kol morsha rashaya mange, te rhačrenn le mange firhen ap miri rhačepaskri, ninna te rhačenn le mange soungepaskro koova. Me dom len i rashayengre damdira, te rivenn le len, te venn le glan mande. Ninna dom len o čačepen, te rhan le ko massestar, hoy mange rhačedo vella.

1. Samuel 22:20

Kokres yek morsh, leskro lab his Abyatar – nay nashas peske. Leskro dad his o Ahimelek oun leskro papo o Ahitoub. Oun yob nashas pash o David,

1. Samuel 4:21

Oun yoy das ko čaves o lab Ikabod. Ko lab kharell: O raylepen djas peske dran o Israel. Kova penas yoy doleske, kay lan le o morhton lendar, kay o Debleskre deesh laba dren hi, oun doleske, kay lakro romeskro dad oun lakro rom meran.

1. Samuel 4:4

Oun yon bičran morshen an Shilo, oun moukan ko morhton pash pende te anell, an koleste i deesh laba hi o baro Deblestar, kay hi o ray pral o bolepen oun i phoub, oun hi beshdo pral i bolepangre. Oun kol douy čave o Elyestar, o Hofni oun o Pinhas djan o morhtoneha.