1. Samuel 14:1 - O Debleskro Lab 2024 (Sinte-Manouche)

¹ Oun ap yek dives penas o Yonatan ap koleste, kay leskro kourepaskro koova hidjrell: “Am, djas pash kol Filistarya, kay yak denn koy vergel!” Peskro dadeske penas lo či.

O Debleskro Drom 2021 (Sinte)

¹ Un ap jek diwes penas o Jonatan ap koleste, kai leskro kurepaskro koowa hidjrell: “Am, djas pash kol Filistarja, kai jak denn koi wergel!” Peskro dadeske penas lo tchi.

1. Samuel 14:1 Iomraidhean Croise

Micha 7:5

Pats kekeske, kek maleske, vitar kekeske, kay djivell pash toute! De garda hoy rakreh, ninna pash i romyate, kolat kameh.

Čačepangre 14:6

Oun o baro Debleskro dourho vas pral o Simsoneste. Oun peskre vastentsa phagas lo o leves an kotya, har te vals kova i bouzni. Peskro dadeske oun peskri dake penas lo či kolestar.

Čačepangre 14:9

Oun yob las o gvin an peskro vast, oun rhas les ap o drom pash o djapen. Oun har yob pash peskro dadeste oun peskri date vas, das lo len ninna kolestar, te rhan le. Kay las lo ko gvin dran o moulo levo, penas lo lenge gar.

Čačepangre 6:27

Kote las o Gideon deesh morshen peskre boudepangrendar, oun kras kova yaake, har o baro Devel leske penas. Oun har daras lo i menshendar an peskro dadeskro kheer oun an o foro, kras lo kova an i rat oun gar ap o dives.

1. Samuel 13:2

Oun o Saul rodas peske 3.000 (triin-zerya) morshen vin. 2.000 (douy-zerya) lendar his pash leste an o foro Mikmas oun ap i berge pash Betel. Oun 1.000 (yek zero) morsha his peskro čaveha, o Yonatan, pash o foro Gibea an o them Benyamin. Kol tsele vavar bičras lo khere.

1. Samuel 13:22

Har vas o dives, kay hounte djan le an o kourepen, his kek rharo oun kek vitsepaskro čouri an i vasta kol Israelengre lourdendar. Kokres o Saules oun peskro čaves Yonatan his pengre rhare oun marepaskre koola.

1. Samuel 13:23

Oun i Filistarya bičran pengre morshen vin, te denn le yak, te djal kek ap ko tikno drom, hoy djal ap i berga pash Mikmas.

1. Samuel 14:2

O Saul his ko tsireske beshdo tel o phabyengro rouk, hoy hi tardo an Migron, gar dour o forestar Gibea. Pash leste his yaake 600 (shob-sheel) lourde.

1. Samuel 25:19

Oun penas ap i boudepangre: “Djan glan! Me djau pal t'mende.” Peskro romeske penas li či kolestar.