1. Samuel 13:9 - O Debleskro Lab 2024 (Sinte-Manouche)

⁹ Kote penas o Saul: “Anenn mange i firhen, hoy o Debleske rhačedo venn oun kolen, hoy rhah khetne.” Oun yob maras kol firhen, hoy o Debleske rhačedo venn.

O Debleskro Drom 2021 (Sinte)

⁹ Kote penas o Saul: “Anenn mange i viechen, hoi o Debleske chatchedo wenn un kolen, hoi chah khetne.” Un job maras kol viechen, hoi o Debleske chatchedo wenn.

1. Samuel 13:9 Iomraidhean Croise

2. Samuel 24:25

Oun o David kras koy o baro Debleske i rhačepaskri oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun o baro Devel dikas pale lačes ap ko them Israel. Oun ko nasslepen djas kol menshendar pale krik.

1. Rajengro liil 3:4

I dives vas, kay djas o baro ray Salomo an o foro Gibeon, te marell lo kote firhen o Debleske. Koy platsa his i feteder platsa, kay rhačran le firhen o Debleske. An o tselo tsiro his yaake yek zero firhen, hoy o Salomo kote ap koy rhačepaskri o Debleske rhačras.

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Gosewe laba 21:3

Te djah o čačo drom oun djiveh pal o Debleskro čačepen, hi kova o baro Debleske boudeder moldo har te anals leske firhen.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

5. Mose 12:5

Mangenn o baro Debles ap i platsa an, hoy yob peske vin rodell mashkral an o them Israel, te djivell lo kote. Kote djan, te mangenn les an.

5. Mose 12:6

Oun kote anenn kol firhen, hoy kamenn leske te marell, save, hoy venn leske tseles rhačedo, oun save, kolengro rat leske rhačedo vell. Kote anenn ninna o deshto kotar kolestar, hoy t'menge dren anan, oun ko vavar koova, hoy glan činlo hi, oun kova hoy denna yaake, har t'men sovel dan, ninna kova, hoy hakeno pestar della, oun save bakre oun gourma, kay i phoureder lengre dayendar hi.

1. Samuel 14:18

Kote penas o Saul ap o Ahia: “An o rashayeskri damdira kay!” An ko tsiro hidjras o Ahia koy damdira glan i Israelitarya.