1. Samuel 13:3 - O Debleskro Lab 2024 (Sinte-Manouche)

³ His i dives, koy maras o Yonatan kol lourden i Filistarendar, kay an Gibea his oun koy yak dan. Oun har i Filistarya kova shounan, moukas o Saul an i phourdepangre te phourdell oun penas: “I tsele Hebrearya hounte shounenn kava!”

O Debleskro Drom 2021 (Sinte)

³ His i diwes, koi maras o Jonatan kol lurden i Filistarendar, kai an Gibea his un koi jak dan. Un har i Filistarja kowa shunan, mukas o Saul an i phurdepangre te phurdell un penas: “I tsele Hebrearja hunte shunenn kawa!”

1. Samuel 13:3 Iomraidhean Croise

2. Samuel 2:28

O Yoab penas, te phourdenn le an i phourdepaskri. Oun leskre tsele lourde ačan tardo, oun lan i Israelitaryen gar bouder palla, oun kouran pen gar doureder.

2. Samuel 20:1

Kova his yaake, kay koy an Gilgal i morsh his, kay či-moldo his. Leskro lab his Sheba. Leskro dad his o Bikri i menshendar Benyamin. O Sheba phourdas an i phourdepaskri oun penas: “T'mer morsha dran Israel! O David hi gar mare menshendar. Men hi či te krell o Isayeskro čaveha. Hakeno t'mendar te djal an peskro kheer!”

2. Samuel 23:14

Kote his o David an peskro khatepen an i berga. Oun kol Filistarya, kay yak dan, his an o foro Betlehem.

Jesaja 10:29

djan doureder mank kol douy berge oun venn an o foro Geba, te ačenn le kote pral i rat. I menshe an o foro Rama trissenn i daryatar. Kolla dran o Sauleskro foro Gibea nashenn penge.

Zakarie 14:10

O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

Josua 18:24

Kefar-Ammoni, Ofni oun Geba. Kolla his deesh-te-douy forya oun lengre gaba.

Josua 21:17

An o them Benyamin lan le star forya: Gibeon oun koy phoub troul o foro, kay i firhe nay rhan; Geba oun koy phoub troul o foro, kay i firhe nay rhan;

Čačepangre 3:27

Oun har lo kote vas an o pralstouno them Efrayim, phourdas lo an i phourdepaskri, te kharell lo i Israelitaryen khetne o kourepaske. Oun yon djan leha i berga tele. Oun yob djas glan lende,

Čačepangre 6:34

Kote vas o baro Debleskro dourho pral o Gideon. Oun yob phourdas an i phourdepaskri, te dell lo i Abiyesarya khetne gole, te venn le leske palla an o kourepen.

1. Samuel 10:5

Pal kova veh tou pash o foro Gibea-Elohim, kay i lourde i Filistarendar yak denn. Te veh tou kote an o foro, dikeh tou, har Debleskre rakepangre i berga tele venn. Oun glan kolende hi bashepangre, kay bashrenn ap doryengre bashepangre oun ap phourdepangre, oun denn ap tikne pauke. Oun i Debleskre rakepangre rakrenn o Debleskro rakepen vin.

1. Samuel 13:16

Oun o Saul oun peskro čavo, o Yonatan, oun i lourde, kay pash lende hi, ačan an Geba an o them Benyamin. Oun i Filistaryen his lengri platsa pash Mikmas.