1. Samuel 13:19 - O Debleskro Lab 2024 (Sinte-Manouche)

¹⁹ An ko tsiro his kek morsh an o tselo them Israel, kay hayvas mishto sasterne koola te krell. I Filistarya daran, te krenn pen i Israelitarya rhare oun vitsepaskre čourya. Doleske moukan le kekes, kay kova hayvas, peskri boudi te krell.

O Debleskro Drom 2021 (Sinte)

¹⁹ An ko tsiro his kek mursh an o tselo them Israel, kai haiwas mishto sasterne koola te krell. I Filistarja daran, te krenn pen i Israelitarja chare un witsepaskre tchurja. Doleske mukan le kekes, kai kowa haiwas, peskri budi te krell.

1. Samuel 13:19 Iomraidhean Croise

2. Rajengro liil 24:14

Oun o Neboukadnezar anas i tsele menshen dran o foro Yerusalem an peskro them Babilonia, i pralstoune, i bare lourde, oun i tsele boudepangre, kay nay boudran mishto o kashteha oun o sasteha. Kolla lauter his 10.000 (deesh zerya) pandle. Kek ačas pale, kokres i čorvele an o them.

Jesaja 54:16

Dik, me kokres krom koles, kay o saster boudrell, oun i yag tato krell, te krell lo i rharo dran o saster. Oun me kokres krom ko kourepaskres, kay marell ko rhareha.

Jeremia 24:1

His an ko tsiro, kay anas o Neboukadnezar, ko baro ray dran o them Babilonia, o baro rayes pral Youda, o Yekonya, koleskro dad o Yoyakim his, pandles dran Yerusalem an o them Babilonia. Khetne leha anas lo i pralstunen pral Youda krik, ninna kolen, kay hayvan o kashteha oun o sasteha te boudrell. An ko tsiro sikras man o Devel douy korbe, kay fayge dren his, tardo glan o baro Debleskro kheer.

Jeremia 29:2

Yob činas kava liil pal kova, kay o baro ray Yekonya oun leskri day krik anlo van khetne kol pralstunentsa dran o baro rayeskro kheer oun i pralstunentsa dran o them Youda oun dran o foro Yerusalem. Ninna kol boudepangre an Yerusalem, kay hayvenn mishto te boudrell o kashteha oun o sasteha van lentsa krik anlo.

Čačepangre 5:8

Mire menshe rodan penge vavar debla! Kote vas o kourepen glan lengre voudya. Oun pash 40.000 (star-deesh-zerya) morsha an Israel vas kek rharo hatslo, vitar kek shilto.

1. Samuel 13:20

Oun yaake hounte djas hako Israelitari tele pash i Filistarya, te kaman peskre harhetikre koola oun peskro tover bouder gar te činell. Oun i Filistarya kran, te činenn le pale.