1. Samuel 13:14 - O Debleskro Lab 2024 (Sinte-Manouche)

¹⁴ Kanna kral tou gar pal leskro lab. Doleske ačeh gar baro ray. O baro Devel rodas peske i vavar morshes vin, yekes pal peskro dji. Koles krell lo ray pral peskre menshende.”

O Debleskro Drom 2021 (Sinte)

¹⁴ Kanna kral tu gar pal leskro lab. Doleske atcheh gar baro rai. O baro Dewel rodas peske i wawar murshes win, jekes pal peskro dji. Koles krell lo rai pral peskre menshende.”

1. Samuel 13:14 Iomraidhean Croise

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

2. Samuel 6:21

O David penas ap i Mikal: “Me khelom, te sharap o baro Debles. Yob rodas man vin glan tiro dadeste oun leskri familya, te krell yob dran mande o ray pral leskre menshende, o Israel. Doleske kamau doureder glan leste te khelell,

2. Rajengro liil 20:5

“Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

Debleskri gili 78:70

Oun yob rodas peske o Davides vin, te vas lo leskro boudepaskro, oun las les kotar krik, kay das lo yak ap i bakrende.

Gosewe laba 27:24

Bravlepen ačell gar, oun i themeskro ray ačell gar ray hako tsiro.

Jesaja 39:5

Koy penas o Yesaya ap o Hiskiya: “Shoun, hoy penell o baro Devel, ko ray pral o bolepen oun i phoub:

Bičepangre 13:22

Palle čivas o Devel o Saules ap i rig te ačell lo bouder gar baro ray, oun las peske o Davides, oun kras les baro ray. Kolestar penas yob: Me hatsom i morshes, pral leste hom barhtelo. Yob hi o David, koleskro dad hi o Isay. Me rodom o Davides vin, te krell lo lauter, hoy me leske penau.

Bičepangre 7:46

Ap koleste dikas o Devel lačes. Oun o David mangas lestar, te nay krell lo leske i kheer dran barra, kay i tsele Israelitarya nay mangenn les an.

Hebrearja 2:10

O Devel kamas, te venn boud menshe peskre čave, oun lenn leskro raylepen. Doleske hounte las peskro čavo douka oun merepen ap peste, te nay anell lo len ap ko drom, kay lenn le o Debleskro djipen. Yaake his kova mishto glan o Debleskre yaka, kay lauter kras, oun koleske lauter kerdo vas.

1. Samuel 15:23

Te shouneh tou gar ap leste, leh tou doosh ap toute, har te dourkrals tou. Te kreh tou gar, hoy o Devel toutar kamella, hi kova yaake čilačo, har te mangals khereskre deblen oun vavar rhorhene deblen an. Tou vitsral o lab o baro Deblestar ap i rig. Doleske vitsras lo tout ninna ap i rig, yaake te vess tou bouder kek baro ray.”

1. Samuel 15:26

“Na-a”, penas o Samuel, “me djau gar touha pale; tou vitsral o baro Debleskro lab ap i rig. Oun o baro Devel vitsras tout ninna ap i rig, yaake te vess tou bouder kek ray pral o Israel.”

1. Samuel 15:28

Koy penas o Samuel ap leste: “Yaake har lal tou zoryah ko kotar than dran miri baya vin, yaake las o baro Devel peskre menshen Israel zoryah dran tiro vast vin, te vess tou bouder kek ray pral lende. Oun yob kras i vavares ray pral lende, yekes kay hi feteder har tou.

1. Samuel 16:1

Oun o baro Devel penas ap o Samuel: “Har rah kameh tou gomme pal o Saul te rovell, koles me pale čivom, te vell lo bouder gar o ray pral o Israel? Le kanna i toushni djet touha, oun kre tout ap o drom! Me bičrau tout pash o Isay an o foro Betlehem. Mank leskre morsh čavende hi kova, koles me mange vin rodom, te vell yob baro ray.”

1. Samuel 16:12

Kote bičras yob yekes, kay anas o Davides. Les his lole čam oun shoukar yaka. I shoukar čavo his lo. Oun o baro Devel penas: “Kava hi lo. Ste pre oun mak les o djeteha!”

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.

1. Samuel 24:20

Kay hi yek, kay hatsell koles, kay kamell les te marell, oun moukell les an o kamlepen peskro drom te djal? O baro Devel moukell touke lauter mishto te djal koleske, hoy kava dives ap mande kral!

1. Samuel 25:30

Oun ap ko tsiro, kay das tout o baro Devel ko tselo lačepen, hoy yob tout peskro lab pre das, oun kras, te val o baro ray pral o Israel,

1. Samuel 9:16

“Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”