1. Samuel 13:13 - O Debleskro Lab 2024 (Sinte-Manouche)

¹³ O Samuel penas ap o Saul: “Tou kral dinelo koova, oun kral gar pal ko lab, hoy penal touke o baro Devel, kay tiro Devel hi. Te krals tou pal ko lab, čivals lo tout hako tsireske pral o Israel, te ačals lengro baro ray.

O Debleskro Drom 2021 (Sinte)

¹³ O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.

1. Samuel 13:13 Iomraidhean Croise

1. Mose 31:28

Hoske moukal man gar te čoumrap mire čengre čaven oun mire čen? Kova his dinelo toutar!

2. Samuel 24:10

Oun o Davideskro dji djas sikeder har yob kol tsele morshen an i liil pre-činas. Oun o David penas ap o baro Debleste: “Kova his i bari doosh, hoy anom ap mande. Me krom i čilačo koova. Oun kanna mangau tout, baro Devel, le mange koy doosh krik!”

1. Rajengro liil 18:18

Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

1. Rajengro liil 21:20

Kote penas o Ahab ap o Eliya: “Hatsal man pale, tou, kay kameh mange čilačepen?” Kote penas lo: “Ava, me hatsom tout! Tou bikral tout, te kress kova, hoy glan i yaka o baro Deblestar čilačo hi.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

2. Familjakro liil 19:2

Oun kote vas leske o dikepaskro, o Yehou an o drom. Koleskro dad his o Hanani. Oun o Yehou penas ap o baro rayeste Yosafat: “Hoske val tou o čilačo morsheske ap i rig, oun val i maal kolestar, kay kamas o baro Deblestar či te djinell? Doleske vell i rholi o baro Deblestar pral toute.

Hiob 34:18

Yob nay penell ap i baro rayeste tou či-moldo oun ap i pralstuneste tou čilačo!

Gosewe laba 12:8

Kones gosevo koova an o shero hi, kova vell sharedo. Kones dinelo koova an o shero hi, ap koleste dikenn le tele.

Gosewe laba 19:3

O mensheskro dinlepen anell les ap i drom, kay nashrell lo pes. Oun palle dell lo o baro Debleste i doosh.

Jesaja 39:5

Koy penas o Yesaya ap o Hiskiya: “Shoun, hoy penell o baro Devel, ko ray pral o bolepen oun i phoub:

Jeremia 18:10

Te krenn yon palle, hoy djoungeles glan mande hi, oun shounenn gar, hoy lenge penau, krau me lenge gar ko lačepen, hoy kamom lenge te krell.

1. Samuel 1:22

koy djas i Hanna gar lentsa. Yoy penas ap peskro romeste: “Te piyell o čavo bouder gar ap o beč, kamau me les pre te anell glan o baro Debleste. Oun yob ačell palle koy, yaake rah yob djivella.”

1. Samuel 13:12

Kote patsom, te venn i Filistarya tele pash mande kay an Gilgal, oun me anom o baro Debleske gomme gar i firhes, te vell lo ap miri rig. Doleske lom man khetne, oun rhačrom leske i firhes.”

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.

1. Samuel 15:28

Koy penas o Samuel ap leste: “Yaake har lal tou zoryah ko kotar than dran miri baya vin, yaake las o baro Devel peskre menshen Israel zoryah dran tiro vast vin, te vess tou bouder kek ray pral lende. Oun yob kras i vavares ray pral lende, yekes kay hi feteder har tou.

1. Samuel 16:1

Oun o baro Devel penas ap o Samuel: “Har rah kameh tou gomme pal o Saul te rovell, koles me pale čivom, te vell lo bouder gar o ray pral o Israel? Le kanna i toushni djet touha, oun kre tout ap o drom! Me bičrau tout pash o Isay an o foro Betlehem. Mank leskre morsh čavende hi kova, koles me mange vin rodom, te vell yob baro ray.”

1. Samuel 26:21

Oun o Saul penas: “Me lom doosh ap mande, miro čavo. Am pale pale! Me kamau touke bouder kek čilačepen te krell. Dikau, miro djipen his kava dives kouč an tire yaka! Kova hoy me krom, his dineles, oun anom bari doosh ap mande!”