1. Samuel 12:18 - O Debleskro Lab 2024 (Sinte-Manouche)

¹⁸ Oun o Samuel das ap o baro Debleste gole, oun o baro Devel bičras brishin ko dives, oun moukas o bolepen gole te dell. Koy lan i tsele menshe bari daar glan o baro Debleste oun glan o Samuel.

O Debleskro Drom 2021 (Sinte)

¹⁸ Un o Samuel das ap o baro Debleste gole, un o baro Dewel bitchras brishin ko diwes, un mukas o bolepen gole te dell. Koi lan i tsele menshe bari daar glan o baro Debleste un glan o Samuel.

1. Samuel 12:18 Iomraidhean Croise

1. Rajengro liil 18:42

Har djas o Ahab pre, te rhal lo oun te piyell lo, djas o Eliya pral pre ap i berga Karmel, kras pes tiknes ap i phoub oun čivas peskro shero mashkral peskre herya,

Esra 10:9

Kote van i tsele morsha i menshendar Youda oun Benyamin an o foro Yerusalem khetne. Ap o triinto dives his le lauter koy. Kova his o 20. (biishto) dives an o 9. (enyato) čon. Oun i tsele menshe his beshdo ap i platsa glan o Debleskro kheer oun trissan i trashatar pral kava koova, hoy yon kran, oun ninna o baro brishinestar.

Hiob 37:13

Nay vell, te bičrell lo o brishin, te dell lo o themes i phagi, ninna nay vell, te bičrell lo les, te sikrell lo peskro lačepen.

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

2. Mose 14:31

Yaake dikan le, havi bari zoryah o baro Devel i Egiptaryen das. Oun i Israelitarya daran o baro Deblestar, oun patsan, hoy penas yob oun o Mose, koles leskro čačo vast his.

Josua 10:12

Ap ko dives, kay o baro Devel i Amoraryen an o Israeleskro vast das, rakras o Yosua o baro Debleha oun kharas vin glan i Israelitarya: “Kham, ač tardo pral o foro Gibeon! Oun tou, čon ač tardo an i tala Ayalon!”

Josua 4:14

Oun ap ko dives kras o baro Devel o Yosua bares glan i yaka kol tsele menshendar Israel. Oun an leskro tselo djipen dikan le pre ap leste, yaake har le kova ninna o Moseha kran.