1. Samuel 12:13 - O Debleskro Lab 2024 (Sinte-Manouche)

¹³ Kanna dikenn: “Kate hi t'maro baro ray, koles t'menge vin rodan oun mandar mangan. O baro Devel čivas les pral t'mende.

O Debleskro Drom 2021 (Sinte)

¹³ Kanna dikenn: “Kate hi tumaro baro rai, koles tumenge win rodan un mandar mangan. O baro Dewel tchiwas les pral tumende.

1. Samuel 12:13 Iomraidhean Croise

Hosea 13:11

Me dom t'men i ray an miri rholi, oun an i rholi lom les t'mendar pale krik.

Bičepangre 13:21

Ap ko tsiro mangan le les, te dell lo len i baro rayes. Oun o Devel das len o Saules. Leskro dad his o Kish. Kova his i morsh kol menshendar, kay venna pal o Benyamin. Star-deesh bersha his o Saul o baro ray pral mare menshende.

1. Samuel 10:24

Oun o Samuel penas ap i tsele menshende: “Kate dikenn, kones o baro Devel vin rodas. Kek hi yaake har yob mank i tsele Israelitarya.” Koy dan i tsele menshe gole i barhtyatar oun penan: “O baro ray te djivell!”

1. Samuel 11:15

Oun yon lauter djan pre an Gilgal. Oun kote, pash o Debleskro kheer čivan le o Saules pral pende, te vell lo lengro baro ray. Oun kote maran le firhen o baro Debleske, oun kran i baro rhapen. Oun o Saul oun i tsele Israelitarya rhan oun piyan barhteles khetne.

1. Samuel 12:17

Kanna hi o tsiro, kay o djob dren anlo vell. T'mer djinenn, kova hi gar o tsiro, kay dell brishin. Oun me dau kanna ap o baro Debleste gole, te bičrell yob brishin oun moukell o bolepen gole te dell. Palle hayvenn t'mer, te his kova, hoy kran, i baro čilačepen glan o baro Debleste, har mangan mandar i baro rayes pral t'mende.”

1. Samuel 12:19

Oun yon penan ap o Samuel: “Mer ham tire boudepangre. Mang menge o baro Debles, kay tiro Devel hi, yaake te hounte meras mer gar. Ap mende hi boud doosh čiddo. Oun kanna kram ninna ko čilačo koova, te mangam menge i baro rayes pral mende.”

1. Samuel 8:5

Oun yon penan ap leste: “Dik, tou val phouro, oun tire čave djan gar o drom yaake har tou les djal. Rode tou i baro rayes vin, koles tou pral mende čiveh! Oun kova vell maro čačepaskro ray, yaake har an i vavar themma ninna hi.”

1. Samuel 9:20

Oun hoy kol eslentsa hi, hoy touke krik nashan glan triin divessa, ma dare lenge! Kolla hi hatslo. Koneske hi lauter, hoy kouč hi an o them Israel? Kova hi touke oun tiri familyake!”