1. Samuel 12:11 - O Debleskro Lab 2024 (Sinte-Manouche)

¹¹ Kote bičras o baro Devel o Yeroub-Baal, o Bedan, o Yefta oun o Samuel, oun las t'men vin dran i vasta kolendar, kay t'men tele rikran, yaake te nay djivan kek daryah.

O Debleskro Drom 2021 (Sinte)

¹¹ Kote bitchras o baro Dewel o Jerub-Baal, o Bedan, o Jefta un o Samuel, un las tumen win dran i wasta kolendar, kai tumen tele rikran, jaake te nai djiwan kek darjah.

1. Samuel 12:11 Iomraidhean Croise

2. Rajengro liil 13:5

Oun o baro Devel bičras i Israelenge yekes, kay len vin las dran i čilače vasta i menshendar dran o them Syria, te nay djivenn i Israelitarya pale an pengre khera, yaake har glan ko tsiro his.

1. Familjakro liil 7:17

Oun o Oulam, les his yek čavo: o Bedan. Kalla hi i morsha, kay van pal o Gilead; leskro dad his o Makir oun leskro papo his o Manasse.

Čačepangre 4:6

Vas i dives, kay moukas li i morshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Oun yoy penas ap leste: “O baro Devel, kay o Devel pral o Israel hi, yob penell touke: Le touke deesh-zerya morsha dran i khera Naftali oun Zabulon oun dja lentsa ap i berga Tabor!

Čačepangre 6:14

Kote rissras pes o baro Devel pash leste, oun penas: “Dja koy an tiri zoor! Oun le o Israel dran o Midianeskro vast vin! Me bičrau tout.”

Čačepangre 6:31

O Yoash penas ap lauterende, kay kote tardo his: “Kamenn t'men o debleske Baal te kourell? Kamenn t'mer ap leskri rig te vell? Koon pes leske kourell, kova merell gomme an kay rat. Te hi lo i devel, palle krell lo peske peskro čačepen vin. Koya his leskri rhačepaskri, hoy vas paash dino.”

Čačepangre 6:32

Ap ko dives dan le o Gideones o lab Yeroub-Baal. Kova kharella: “Te kourell pes o Baal leha!” O Gideon das leskri rhačepaskri paash.

Čačepangre 7:1

Oun sik taysarlakro djas o Gideon, kay kharell ninna Yeroub-Baal, peskre tsele lourdentsa, hoy pash leste hi, pash o pani, hoy kharella Harod. Oun kote čivan le pengre plarhtene khera pre. Yaake his i lourde dran o them Midian serves lendar pash koy tikni berga More an o telstouno them.

Čačepangre 8:29

Oun o Gideon, kay kharas ninna Yeroub-Baal, koleskro dad o Yoash his, djas pale an peskro kheer oun djivas kote o tselo tsiro.

Čačepangre 8:35

Oun ninna o tselo lačo koova, hoy o Gideon i Israelenge kras, his lenge gar boud moldo, oun yon his gar lačes ap leskre čavende, kay pal leste van.

1. Samuel 3:20

Oun i Israelitarya an o tselo them dran Dan bis Beersheba, hayvan, te hi o Samuel o baro Debleskro rakepaskro.

1. Samuel 7:13

Yaake peras i ladj ap i Filistarya. Oun yon van bouder gar an o Israeleskro them. Oun o vast o baro Deblestar his phares čiddo ap lende, yaake rah har o Samuel djivas.