1. Samuel 11:13 - O Debleskro Lab 2024 (Sinte-Manouche)

¹³ O Saul penas: “Kava dives vell kek moulo dino. Kava dives las o baro Devel peskre menshen Israel vin dran i vasta kolendar, kay lenge čilačepen kaman.”

O Debleskro Drom 2021 (Sinte)

¹³ O Saul penas: “Kau diwes well kek mulo dino. Kau diwes las o baro Dewel peskre menshen Israel win dran i wasta kolendar, kai lenge tchilatchepen kaman.”

1. Samuel 11:13 Iomraidhean Croise

2. Samuel 19:22

O Abishay, koleskri day i Serouya his, penas: “O Shimi hounte merell. Yob praasas koles, kay vas o baro Deblestar vi-rodedo, te vell lo baro ray.”

2. Samuel 19:23

Penas o David ap o Abishay: “Kova hi gar t'maro koova, t'mer čave foun i Serouya. Kamenn t'mer mange kay dives čingepen te krell? Kay dives hounte merell kek an Israel. Patseh tou, kay me gar djinau, kay me kay dives pale baro ray pral o Israel vom?”

2. Samuel 23:10

O Elazar rikras vin, oun maras kol Filistaryen, bis te leskro vast khino vas, oun anas o vast gar bouder pre, kay rikras lo o rharo. Oun o baro Devel das bari barht ap ko dives, yaake te djan kol lourde pale pal o Elazar, te čorenn le, hoy čiddo ačas.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

2. Mose 14:30

Yaake las o baro Devel i Israelitaryen ap kava dives vin dran o vast i Egiptarendar. Oun i Israelitarya dikan i moule Egiptaryen pash o baro pani čiddo.

Jesaja 59:16

Oun bare yakentsa dikell lo, te hi kek morsh koy, kay koy djal, te vell lo kolenge ap i rig, kay tele rikedo hi. Kote vas lo kokres peskri zoryah, oun peskro čačepen vas leske pash o vast.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Samuel 10:27

Koy his ninna morsha, kay či-molde his. Kolla penan: “Har nay lell kava morsh men vin dran i bibarht?” Oun yon dikan tele ap leste, oun anan leske či. O Saul kras yaake har shounals lo kova gar.

1. Samuel 14:45

I Israeleskre morsha penan ap o Saul: “Hounte merell o Yonatan, kay ko baro koova kras oun las o Israel vin? Kova krah mer gar! Pash o djido Debleste dah men sovel: Kek bal te perell tele leskro sherestar! O Devel his ap leskri rig, doleske nay kras yob kava dives sau baro kova.” Yaake lan i morsha o Yonatanes vin dran o merepen. Oun yob vas gar maredo.

1. Samuel 19:5

Yob dikas gar ap peskro djipen, har djas lo koy oun kouras pes o Filistareha oun das les moulo. Yaake te las o baro Devel o tselo Israel dran i vasta i Filistarendar. Oun tou dikal kova oun hals barhtelo. Hoske kameh tou doosh ap toute te anell oun i rat yekestar, koles kek doosh ap peste hi? Hoske kameh tou o Davides moulo te dell čičeske?”