1. Samuel 10:5 - O Debleskro Lab 2024 (Sinte-Manouche)

⁵ Pal kova veh tou pash o foro Gibea-Elohim, kay i lourde i Filistarendar yak denn. Te veh tou kote an o foro, dikeh tou, har Debleskre rakepangre i berga tele venn. Oun glan kolende hi bashepangre, kay bashrenn ap doryengre bashepangre oun ap phourdepangre, oun denn ap tikne pauke. Oun i Debleskre rakepangre rakrenn o Debleskro rakepen vin.

O Debleskro Drom 2021 (Sinte)

⁵ Pal kowa weh tu pash o foro Gibea-Elohim, kai i lurde i Filistarendar jak denn. Te weh tu kote an o foro, dikeh tu, har Debleskre rakepangre i berga tele wenn. Un glan kolende hi bashepangre, kai bashrenn ap dorjengre bashepangre un ap phurdepangre, un denn ap tikne pauke. Un i Debleskre rakepangre rakrenn o Debleskro rakepen win.

1. Samuel 10:5 Iomraidhean Croise

1. Rajengro liil 18:29

Har o mashkral-dives trouyel djas, his yon bouder gar pash pende, oun khelan bis ap ko tsiro, kay rati o Debleskro rhapen anlo vell. Kek rakepen vas, kek lab, vitar kek sikepen.

2. Rajengro liil 2:15

Oun har dikan kova kol Debleskre rakepangre, kay ap i vavar rig pash Yericho his, penan yon: “Koy zoor o Eliyestar hi ap o Elisa čiddo.” Oun yon djan pash leste oun peran glan leste tele ap i phoub.

2. Rajengro liil 2:3

djan o Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

2. Rajengro liil 2:5

van kol Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

2. Rajengro liil 2:7

Har his le pash o Yordan tardo, van paash-sheel Debleskre rakepangre koy oun ačenn i kotar dour krik tardo.

2. Rajengro liil 3:15

Kanna, anenn mange i bashepaskro!” Oun har ko bashepaskro ap i doryengri bashepaskri bashras, vas o baro Debleskri zoor ap o Elisa,

2. Rajengro liil 4:38

Har o Elisa pale an Gilgal vas, his i menshen či te rhal an ko them. Oun har kol Debleskre rakepangre glan leste beshdo his, penas yob ap peskro boudepaskro: “Le i bari piri oun kere lenge i soummi rhapaske.”

2. Rajengro liil 6:1

Kol Debleskre rakepangre penan ap o Eliseste: “Dik, ko kheer, kay mer vah khetne, hi gar baro doha.

1. Familjakro liil 11:16

Kote his o David an peskro khatepen an i berga. Oun kol Filistarya, kay yak dan, his an o foro Betlehem.

1. Familjakro liil 13:8

O David oun i tsele menshe an Israel khelan barhteles glan o Debleste, givan gilya, oun kran bashepen ap doryengre bashepangre, ap pauke, ap phourdepangre oun vavar bashepangre.

1. Familjakro liil 16:42

Yon sharan o Debles pengro bashepah, oun bashran ap i phourdepangre oun doryengre bashepangre oun vavar bashepangre. I čaven o morshestar Yedoutoun das o David koy boudi, te denn le garda ap i voudya.

1. Familjakro liil 16:5

Kolla his: o Asaf, lengro pralstuno; o Zakarie his o douyto; pal leste o Yasiel, o Semiramot, o Yehiel, o Mattitya, o Eliab, o Benaya, o Obed-Edom oun o Yehiel. Yon te givenn oun bashrenn ap pengre doryengre bashepangre. Oun o Asaf te dell ap i sasterne patria.

Debleskri gili 49:4

Miro mouy rakrell goseve laba, oun dran miro dji vell kova, hoy mishto hayvom.

Debleskri gili 92:3

te rakrau pral tiro lačepen taysarlakro, oun pral tiro čačepen an i rat,

1. Korintarja 14:1

Krenn lauter, te lenn o Debleskro kamlepen an t'maro dji! Oun rodenn i tselo djiyestar kol zorya, hoy o Debleskro Dourho an t'mende čivella, te nay boudrenna o Debleske! Boudeder har hako vavar koova rodenn koy pal, te penenn nay i menshenge i lab, hoy vella o Deblestar.

1. Samuel 10:10

Har van le pash Gibea, van Debleskre rakepangre ap o drom pash lende. Oun o Debleskro dourho vas pral leste, yaake te rakras lo lentsa khetne o Debleskro rakepen vin.

1. Samuel 10:4

Oun te dikenn le tout, poučenn le toutar, har touke djal. Oun yon denn tout douy mare. Oun tou less len dran lengre vasta.

1. Samuel 13:2

Oun o Saul rodas peske 3.000 (triin-zerya) morshen vin. 2.000 (douy-zerya) lendar his pash leste an o foro Mikmas oun ap i berge pash Betel. Oun 1.000 (yek zero) morsha his peskro čaveha, o Yonatan, pash o foro Gibea an o them Benyamin. Kol tsele vavar bičras lo khere.

1. Samuel 13:3

His i dives, koy maras o Yonatan kol lourden i Filistarendar, kay an Gibea his oun koy yak dan. Oun har i Filistarya kova shounan, moukas o Saul an i phourdepangre te phourdell oun penas: “I tsele Hebrearya hounte shounenn kava!”

1. Samuel 19:20

Kote bičras o Saul lourden, te anenn le o Davides. Har dikan kolla kol tsele Debleskre rakepangren oun lengro pralstounes, o Samueles, oun shounan, har kolla o Debleskro rakepen vin rakran, koy vas o Debleskro dourho pral kol bičepangren. Oun yon rakran ninna o Debleskro rakepen vin.

1. Samuel 9:12

Yon penan: “Ava, yob vas i tikno tsiro glan toute kay. Kava dives hi o dives, kay anenn le firhen o Debleske ap i pralstouni platsa. Doleske vas lo an o foro. Djan sik,