1. Samuel 1:9 - O Debleskro Lab 2024 (Sinte-Manouche)

⁹ Har yon an Shilo his, stas i Hanna pre pal o rhapen oun o pipen, oun djas an o baro Debleskro kheer. Kote his o rashay Eli beshdo glan o voudar.

O Debleskro Drom 2021 (Sinte)

⁹ Har jon an Shilo his, stas i Hanna pre pal o chapen un o pipen, un djas an o baro Debleskro kheer. Kote his o rashai Eli beshdo glan o wudar.

1. Samuel 1:9 Iomraidhean Croise

2. Samuel 7:2

penas yob ap ko Debleskro rakepaskro, o Natan: “Me djivau an i kheer dran cedertikro kasht, oun o Debleskro morhton hi an i plarhteno kheer. Hi kova mishto?”

Debleskri gili 27:4

Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

Debleskri gili 29:9

Te rakrell o baro Devel, anenn i vesheskre groumya pengre terne ap i phoub. Ninna nashrenn i rouka pengre patria an i vesha. An o Debleskro kheer dell hakeno gole: “Har baro hi o Devel!”

Debleskri gili 5:7

Tou mareh kolen, kay o rhorhepen rakrenna. Praasedo hi glan o baro Debleste kolla, kolen doosh ap o rat i vavarendar hi, oun kay i vavaren rhorhenn.

2. Mose 21:6

Palle lell les leskro ray oun anell les glan o Debleste, oun čivell les glan o voudar tardo, oun dell i kashteni soub an leskro kand čourye. Kova sikrell, te ačell lo peskro tselo djipen leskro boudepaskro.

1. Samuel 1:10

Oun lakro dji rovas, oun yoy mangas o baro Debles oun rovas zoreles ap leste,

1. Samuel 3:15

Oun o Samuel ačas čiddo bis taysarlakro. Palle stas lo pre oun kras i voudya pre glan o baro Debleskro kheer. Yob daras te penell lo o Elyeske, hoy o baro Devel les sikras.

1. Samuel 3:3

Ninna o Samuel sovas oun his čiddo an o baro Debleskro kheer pash ko morhton, kay o Debleskre deesh laba dren hi. Oun i Debleskri momeli his gomme gar vin.

1. Samuel 4:13

Oun har yob an o foro vas, his o Eli vin ap i beshepaskri beshdo, oun dikas ap o drom. Leskro dji daras troul ko morhton, kay o Debleskre deesh laba dren hi. Oun har ko morsh an o foro dren vas, penas lo i menshenge koy, hoy vas. Oun ko tselo foro das gole.