1. Samuel 1:3 - O Debleskro Lab 2024 (Sinte-Manouche)

³ Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.

O Debleskro Drom 2021 (Sinte)

³ Un ko mursh djas hako bersh win dran peskro foro, te mangell lo an o foro Shilo o baro Debles an, ko rajes pral o bolepen un i phub, un te anell lo leske i vieches, hoi well leske maredo. Kote his dui phrala o baro Debleskre rashaja: o Hofni un o Pinhas. Kolengro dad his o Eli.

1. Samuel 1:3 Iomraidhean Croise

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

2. Mose 23:14

Triin kope an o bersh rikress tou mange bare divessa dren:

2. Mose 23:17

An kal bare divessa, triin kope an o bersh, hounte venn i tsele morsha glan o baro Debleste, pengro rayeste an leskro kheer.

2. Mose 34:23

Ap kol bare divessa, triin kope an o bersh, hounte venn i tsele morsha glan mande, lengro rayeste. Me hom o baro Devel, o Devel pral o Israel.

Louka 2:41

Hako bersh, har van kol bare divessa, kay kharenna Passa, djan i Maria oun o Yosef an o foro Yerusalem. Oun har o Yezous deesh-te-douy bersha phouro his, lan yon les peha.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Čačepangre 18:31

Yon čivan koy figura, hoy o Mika kras, pash pende pre yaake rah, har o Debleskro kheer an o foro Shilo his.

Čačepangre 21:19

Oun yon penan penge: “Hako bersh hi i baro rhapen an o foro Shilo, kay venn i menshe khetne te sharenn le o baro Debles.” [Shilo hi čiddo ap i servi rig o forestar Betel, oun ap i čači rig o forestar Lebona, pash ko drom, kay djal dran Betel an o foro Sichem, ap koy rig ko dromestar, kay o kham pre djal.]

1. Samuel 1:21

O vavar bersh, har djas o Elkana pale pre peskri tseli familyah har hako bersh, te anell lo o baro Debleske i firhes, hoy vell leske rhačedo, ninna yekes, te rikrell lo peskri sovel, hoy yob das,

1. Samuel 1:9

Har yon an Shilo his, stas i Hanna pre pal o rhapen oun o pipen, oun djas an o baro Debleskro kheer. Kote his o rashay Eli beshdo glan o voudar.

1. Samuel 14:3

An ko tsiro his o Ahia o rashay oun rivas koy damdira, hoy rivenn i rashaya. Koleskro dad his o Ahitoub, koleskro phraal his o Ikabod. Lengro dad his o Pinhas, leskro dad his o Eli, kay his o baro Debleskro rashay an o foro Shilo. I lourde djinan gar, te djas peske o Yonatan.

1. Samuel 2:19

Leskri day kras leske hako bersh i nevo gad oun anas les peha, te djas li peskro romeha pre, te anenn le o Debleske i firhes har hako bersh.

1. Samuel 2:34

Me dau tout i sikepen: Tire douy čave, o Hofni oun o Pinhas, merenna ap yek dives. Te vell kova, dikeh, kay ko vavar koova ninna čačo hi.

1. Samuel 3:13

Yob djinas, har peskre čave savo koova kran, hoy ladj ap mande anas. Oun yob moukas len kova te krell. Doleske dau me leskro kheer peskri phagi, hoy ačella hako tsiro ap leste. Kova penom leske glan i tsiro.

1. Samuel 4:11

Oun o morhton, kay o Debleskre deesh laba dren hi, vas lendar lino. Oun o Elyeskre douy čave, o Hofni oun o Pinhas, meran.

1. Samuel 4:4

Oun yon bičran morshen an Shilo, oun moukan ko morhton pash pende te anell, an koleste i deesh laba hi o baro Deblestar, kay hi o ray pral o bolepen oun i phoub, oun hi beshdo pral i bolepangre. Oun kol douy čave o Elyestar, o Hofni oun o Pinhas djan o morhtoneha.