1. Samuel 1:18 - O Debleskro Lab 2024 (Sinte-Manouche)

¹⁸ Oun yoy penas: “Mou dikenn tire yaka kamles ap mande!” Oun koy djouvel djas peskro drom, oun rhas, oun dikas bouder gar yaake phagedo vin har glan kova.

O Debleskro Drom 2021 (Sinte)

¹⁸ Un joi penas: “Mu dikenn tire jaka kamles ap mande!” Un koi djuwel djas peskro drom, un chas, un dikas buder gar jaake phagedo win har glan kowa.

1. Samuel 1:18 Iomraidhean Croise

1. Mose 32:5

Ap lende penas yob: Penenn miro rayeske Esau: “Yaake penell tiro boudepaskro Yakob: Me homs o tselo tsiro pash o Laban oun vau kanna pale.

1. Mose 32:6

Man hi groumya oun bourike, bakre oun bouzya, oun boudepangre: morsha oun djouvya. Bičrau kal morshen, te penenn le kova touke, miro rayeske, te vess lačo ap mande.”

1. Mose 33:15

Penas o Esau ap leste: “Me kamau mire morshendar pash toute moukell.” “Hoske?” poučas o Yakob. “Mange hi doha, kay tou, miro ray, mange lačo hal.”

1. Mose 33:8

“Hoy kameh tou kol tsele firhentsa, hoy pash mande van?” poučas o Esau. “Kamau te dap len toute, te vess mange lačo, miro ray”, penas o Yakob.

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Johanni 16:24

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Ruth 2:13

Yoy penas leske: “Tou hal yaake lačo ap mande, miro ray! Tou rakral lačes ap mande oun kral miro dji pale zoreles, ninna te hom me kek kol djouvyendar, kay touke boudrenna.”

Ruth 2:2

His i dives, koy penas i Ruth ap i Naomi: “Me kamau ap i harhetikri phoub te djal oun djob pre te hadell, hoy čiddo ačas. Djau pash yekeste, kay lačo hi ap mande oun moukell man kova te krell.” Oun i Naomi penas: “Dja miri čay!”