1. Samuel 1:15 - O Debleskro Lab 2024 (Sinte-Manouche)

¹⁵ I Hanna penas: “Ma rikrenn man mateske, miro ray! Mool piyom me gar oun či vavar, hoy yekes mato krell. Me hom či vavar har i djouvel, kay lat i pharo dji hi. Oun kova čorom vin glan o baro Debleste.

O Debleskro Drom 2021 (Sinte)

¹⁵ I Hanna penas: “Ma rikrenn man mateske, miro rai! Mool pijom me gar un tchi wawar, hoi jekes mato krell. Me hom tchi wawar har i djuwel, kai lat i pharo dji hi. Un kowa tchorom win glan o baro Debleste.

1. Samuel 1:15 Iomraidhean Croise

Hiob 30:16

O djipen an mande nashell krik har pani. Čilače divessa van pral mande.

Debleskri gili 143:6

Mire vasta hadau pre pash toute. Har i trouk them troushella pal pani, yaake troushell miro dji pal toute.

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Gosewe laba 15:1

I kamlo lab krell te djal o vavareskri rholi pale. I lab, hoy o vavares doukrell, krell les rhoyedo.

Gosewe laba 25:15

Boud lače labentsa nay tserdeh pralstunen ap tiri rig. Oun i kamlo rakepen phagella kokale khetne.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

1. Samuel 1:16

Rike tiri boudepaskretsat gar i djouvyake, kay či moldo hi. Miro dji hi phagedo oun phares, doleske rakrom me kate yaake rah.”

1. Samuel 7:6

Oun yon van khetne an Mispa. Kote lan le pani, oun čoran les glan o baro Debleste vin. Oun ap ko dives rhan le či, te dikell o baro Devel ap lende. Oun yon penan: “Mer anam doosh ap mende glan o baro Debleste.” Oun kote an Mispa vas o Samuel lengro čačepaskro ray.