1. Samuel 1:11 - O Debleskro Lab 2024 (Sinte-Manouche)

¹¹ oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

O Debleskro Drom 2021 (Sinte)

¹¹ un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”

1. Samuel 1:11 Iomraidhean Croise

1. Mose 28:20

Oun o Yakob das pes sovel oun penas: “Hi o baro Devel mantsa oun dell garda ap mande ap miro drom, kay me djau, oun dell man rhapaske oun an-ripaske,

1. Mose 29:32

Oun i Lea vas an vavar koova oun anas i čaves ap i phoub. Koles das yoy ko lab Ruben oun penas: “O baro Devel dikas miri bibarht. Čačepah, kanna kamell man miro rom.”

1. Mose 30:22

Oun o Devel bistras i Rachel gar. Yob shounas ap late oun kras, te vell yoy day.

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

2. Samuel 16:12

Nay vell, kay o baro Devel dikell miri bibarht, oun krell lačepen dran ko praasepen.”

Debleskri gili 25:18

Dik ap miro pharo djipen, oun har djoungeles mange djala, oun biste miri tseli doosh!

2. Mose 4:31

Oun yon patsan len. Oun har shounan i Israelitarya, te dikas o baro Devel lengro pharo djipen, oun kamell lenge lačepen te krell, koy vitsran pen le ap i phoub, oun mangan o Debles an.

Gosewe laba 31:2

Miro čavo, koles me ap i phoub anom, tou, ko čavo, koles o Deblestar mangom, hoy penap touke?

Sikepaskro 5:4

Feteder hi, te deh tout gar sovel, har te deh tout sovel oun rikreh gar, hoy penal.

3. Mose 27:2

Pen ap i Israelitarya: Te das yek pes sovel, te dell lo man, o baro Debleste, i menshes, palle nay ginell lo koles pale vin.

4. Mose 21:2

Koy das pes o Israel sovel glan o baro Debleste, oun yon penan: “Te deh tou kal menshen an mare vasta, kamah mer lengre forya paash te krell.”

4. Mose 6:11

Oun o rashay hounte dell koy yek tauba o Debleste, te vell i doosh krik lino. Oun koy vavar hounte rhačrell yob o Debleske, te vell lo pale erligo oun koy doosh lestar krik lino, hoy yob ap peste anas, har tapras lo i moules an, oun vas doleske pale-čiddo. Palle moukell yob peskro bal pale lengsto te vell,

4. Mose 6:5

Yaake rah har yob koy sovel das, hounte vell gar leskro bal činlo, bis te ko tsiro trouyel hi, kay das yob pes an o baro Debleskro vast. Yob hi o Debleskro, oun hounte moukell peskro bal ap o shero lengsto te vell.

4. Mose 6:8

Ko tselo tsiro, kay das yob pes sovel, hi yob kokres o baro Debleske koy.

Čačepangre 11:30

Oun o Yefta das pes sovel pash o baro Debleste oun penas: “Te deh tou man i Ammonaryen an miro vast,

Čačepangre 13:5

Ko čaves, kay leh, vell i morsh, kay o Debleske hi peskro tselo djipen foun ko dives, kay vell lo ap i phoub. Leskre balla venn gar činlo. Oun yob lell o Israel vin dran i vasta i Filistarendar.”

1. Samuel 1:10

Oun lakro dji rovas, oun yoy mangas o baro Debles oun rovas zoreles ap leste,

1. Samuel 1:12

Oun har yoy i rah tsiro o baro Debleha rakras, das o Eli yak ap lakro mouy.

1. Samuel 1:19

Oun sik o vavar dives stan le pre. Oun har sharan le o baro Debles, djan le khere an Rama. Oun o Elkana djas rati pash i Hannate dren. Oun o baro Devel bistras i Hannat gar oun kras,

1. Samuel 1:22

koy djas i Hanna gar lentsa. Yoy penas ap peskro romeste: “Te piyell o čavo bouder gar ap o beč, kamau me les pre te anell glan o baro Debleste. Oun yob ačell palle koy, yaake rah yob djivella.”

1. Samuel 1:27

Kava čaves mangom mange o baro Deblestar. Oun yob shounas man oun das les mande.

1. Samuel 1:28

Doleske dau les me kanna ninna o baro Debleste pale, te vell lo leskro, yaake rah har yob djivella.” Oun yon mangan kote o baro Debles an.

1. Samuel 2:20

Oun o Eli rakras barht pral o Elkana oun leskri romni vin, oun penas: “O baro Devel dell tout vavar čave kay romyatar ko čaveske o Samuel, koles yoy peske o baro Deblestar mangas.” Oun yon djan penge pale khere.