1. Samuel 1:10 - O Debleskro Lab 2024 (Sinte-Manouche)

¹⁰ Oun lakro dji rovas, oun yoy mangas o baro Debles oun rovas zoreles ap leste,

O Debleskro Drom 2021 (Sinte)

¹⁰ Un lakro dji rowas, un joi mangas o baro Debles un rowas soreles ap leste,

1. Samuel 1:10 Iomraidhean Croise

1. Mose 30:1

Har i Rachel dikas, kay anas yoy o Yakobeske kek čaven ap i phoub, zilveras yoy ap peskri phenyate, oun penas ap o Yakob: “De man čave! Te deh man kek, merau me.”

1. Mose 50:10

Oun yon van ap i platsa, hoy kharella Goren-Atad. Koy platsa hi čiddo ap i vavar rig o panyestar Yordan. Kote rovan le oun dan bari gole pral o Yakobeskro merepen. Oun o Yosef rovas lentsa efta divessa pral peskro dadeste.

2. Samuel 13:36

Har yob kova penas, koy van o baro rayeskre čave. Yon rovan, oun o baro ray oun peskre an-dikle morsha rovan ninna zoreles.

2. Samuel 17:8

Tou prindjreh tiro dades oun leskre lourden, kay hi zorele kourepangre oun rhoyedo har i divyo dayengro firho an o veesh, koleske yek i ternen krik las. Ninna hi tiro dad i lourdo, kay prindjrell o kourepen. Yob sovell gar pash i vavar lourdende.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 7:11

Doleske kamau me ninna gar miro mouy te rikrell, kamau te rakrap dran miro djiyeskri daar, oun miri bari douk vin gole te dell.

Hiob 9:18

Yob moukell man gar yek kopo dourho te lell, na-a, yob krell man pherdo ropen oun douk.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Jesaja 38:15

Hoy penap pal kova gomme: Yob kras, hoy lo mange penas Me nay sovau bouder gar. Miro tselo djipen vas mange shoutlo.

Jesaja 54:6

Tou hal har i djouvel, kay mouklo vas, oun kolakro dji ratell. Kanna dell tout tiro baro Devel pash peste gole oun penell: Har nay tradoms miri romyat krik, kolat vin rodom, har terno homs?

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 22:10

Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

Ropaskre gilja 3:15

Shoutlo zenlepen das lo man rhapaske, oun shoutlo pipen te piyell.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Čačepangre 21:2

Kanna van i Israelitarya an o foro Betel, oun beshan glan o Debleste o tselo dives, oun dan gole oun rovan,

Ruth 1:20

Yoy penas ap lende: “Penenn gar Naomi ap mande! Denn man Mara gole! O zorelo Devel kras miro djipen shoutlo.

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

1. Samuel 1:9

Har yon an Shilo his, stas i Hanna pre pal o rhapen oun o pipen, oun djas an o baro Debleskro kheer. Kote his o rashay Eli beshdo glan o voudar.