1. Rajengro liil 8:1 - O Debleskro Lab 2024 (Sinte-Manouche)

¹ Kote moukas o baro ray Salomo i phoureden an Israel pash peste vell an o foro Yerusalem: kolla, kay his i pralstoune pral i deesh-te-douy bare khera o Yakobeskre deesh-te-douy čavendar, oun i pralstoune pral lengre tsele familye. Khetne lentsa kamas yob o baro Debleskro morhton, kay o Debleskre deesh laba dren čiddo hi, an o Debleskro kheer te anell. Ko morhton his čiddo an o Davideskro foro ap i berga Sion.

O Debleskro Drom 2021 (Sinte)

¹ Kote mukas o baro rai Salomo i phureden an Israel pash peste well an o foro Jerusalem: kolla, kai his i pralstune pral i deesh-te-dui bare khera o Jakobeskre deesh-te-dui tchawendar, un i pralstune pral lengre tsele familje. Khetne lentsa kamas job o baro Debleskro mochton, kai o Debleskre deesh laba dren tchiddo hi, an o Debleskro kheer te anell. Ko mochton his tchiddo an o Davideskro foro ap i berga Zion.

1. Rajengro liil 8:1 Iomraidhean Croise

2. Samuel 6:6

Har van le pash ko djobeskri platsa o morshestar Nakon, perans i groumya, oun o Ouza rikras o morhton, te perell lo gar.

1. Rajengro liil 2:10

Oun o David meras oun vas paskedo an o foro Yerusalem.

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

1. Familjakro liil 11:7

Oun o David djivas an kava zorelo kheer. Doleske vell ko kheer kharedo Davideskro foro.

1. Familjakro liil 15:25

Oun o David oun i phoureder dran Israel djan kote, te anenn le o morhton o Debleskre deesh labentsa pre dran o kheer o morshestar Obed-Edom. Lentsa djan i pralstoune pral i lourdende, kolla pral yek zero oun kolla pral yek sheel. Halauteren his barhtele djia.

1. Familjakro liil 15:29

Oun har vas o morhton o baro Debleskre deesh labentsa an o Davideskro foro anlo, dikas i Mikal, kolakro dad o Saul his, dran i vorhni. Oun har dikas li o baro rayes, o David, har yob stas oun khelas, dikas li tele ap leste an lakro dji.

1. Familjakro liil 15:3

Oun o David moukas i tsele Israelitaryen an o foro Yerusalem khetne te vell, te nay anenn le o morhton o baro Debleskre deesh labentsa ap ko kotar phoub, kay vas leske vin rodedo.

1. Familjakro liil 28:1

O David moukas i tsele pralstunen khetne gole te dell an o foro Yerusalem: Kolla his: i pralstoune pral i deesh-te-douy bare familyende, i pralstoune pral i lourdende, kay his khetne lino, te venn le yek čon an o bersh o baro rayeske koy, i pralstoune pral yek zero lourdende oun kolla pral yek sheel lourdende, kol morsha, kay dan yak ap o bravlepen oun ap i firhende o baro rayestar oun leskre čavendar, i pralstoune pral o baro rayeskro kheer, i zorele kourepangre, oun i tsele an-dikle morsha.

2. Familjakro liil 30:1

Oun o Hiskiya bičras bičepangre an o tselo them Israel oun Youda oun činas lila, hoy lo bičras an i themma Efrayim oun Manasse, te venn le an o baro Debleskro kheer khetne an o foro Yerusalem, te rikrenn le kol bare divessa, hoy kharenn Passa o baro Debleske, kay o Israeleskro Devel hi.

Esra 3:1

Oun har o 7. (eftato) čon vas oun i Israelitarya an pengre forya his, van i tsele menshe har yek morsh khetne an o foro Yerusalem.

Debleskri gili 102:21

te shounell lo o ropen kolendar, hoy stilde hi, te krell lo i shelle pre kol menshendar, kay an o merepen hi.

Debleskri gili 9:11

Doleske rikrenn kolla ap toute, kay tiro lab prindjrenna. Koon tout, o baro Debles, rodella, koles moukeh tou gar kokres.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

4. Mose 1:4

Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

Josua 23:2

Kote das lo i tsele pralstunen pral Israel pash peste khetne gole: i phoureder, oun i pralstoune pral i bare familye, i čačepangre morsha oun vavar pralstoune, oun penas ap lende: Me vom phouro, oun man his i lengsto djipen.

Josua 24:1

Oun o Yosua moukas menshen dran haki bari familya, kay van kol deesh-te-douy čavendar o Yakobestar pash peste an o foro Sichem khetne gole te dell, i phoureden, i pralstunen pral i bare familye, i čačepangre morshen, oun vavar pralstunen. Oun yon van khetne glan o Debleste.

1. Petro 2:6

An o Debleskro lab hi činlo: Me rodom yek kouč bar vin, oun čivom les an o foro Sion tele, yaake te vell miro kheer ap leste zoreles tardo. Oun koon ap koleste patsella, ačell djido.