1. Rajengro liil 7:4 - O Debleskro Lab 2024 (Sinte-Manouche)

⁴ An kava kheer his vorhya an triin reihe, yek reiha pral i vavar. I vorhya his yaake kerdo, te his yek vorhni vergel koy vavar.

O Debleskro Drom 2021 (Sinte)

⁴ An kau kheer his wochja an triin reihe, jek reiha pral i wawar. I wochja his jaake kerdo, te his jek wochni wergel koi wawar.

1. Rajengro liil 7:4 Iomraidhean Croise

1. Rajengro liil 6:4

Oun yob kras vorhya an o kheer oun kras sasterne kashta glan koy.

1. Rajengro liil 7:3

Ap lende his 45 iseme, hoy his čakedo o cedertikro kashteha, deesh-te-panč an yek reiha.

1. Rajengro liil 7:5

Oun i tsele voudya oun vorhya his star rigya. Oun kol vorhya ap yek rig his yaake kerdo, te his yek vorhni vergel koy vorhni ap i vavar rig, – kova his yaake ap hake triin reihe.

Jesaja 54:12

I turme ap tire massourya hi dran roubine, tire voudya dran kristallo, oun tire massourya dran shoukar barra, hoy boud moldo hi.

Ezekiel 40:16

Oun an i tikne iseme, hoy his ap kol douy rigya, his tikne vorhya an kol vinstoune massurya. Ninna an i voudareskri halla his vorhya ap lakre douy rigya. Oun dren an kol massurya his palmtikre rouka dren dino.

Ezekiel 40:22

Oun leskre vorhya oun leskre palmtikre rouka, hoy an i massurya dino hi, his yaake har pash ko baro voudar ap koy rig, kay o kham pre djal. Glan kava voudar djan efta stufe pre. Oun les his i voudareskri halla ap i vavar rig.

Ezekiel 40:25

Oun kote his vorhya an o voudar oun an i voudareskri halla, yaake har pash kol vavar bare voudya. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:29

Oun leskre tikne iseme oun leskre massurya oun koy voudareskri halla, yon his yaake baro, har kolla an i vavar bare voudya. Koy his ninna vorhya an o voudareskro kheer oun an i glanstouni halla. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:33

Oun leskre tikne iseme oun leskre massurya oun i voudareskri halla, yon his yaake baro har kolla an i vavar voudya. Koy his ninna vorhya an o voudar oun an i voudareskri halla. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:36

Les his tikne iseme, massurya, i voudareskri halla oun vorhya troul leste. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 41:26

Oun an i massurya an i glanstouni halla his ap kol douy rigya tikne vorhya dren. Oun palmtikre rouka his an i kashtene massurya dren činlo, yaake har ninna an o rigyakro kheer oun an i kashteni dacha.