1. Rajengro liil 5:1 - O Debleskro Lab 2024 (Sinte-Manouche)

¹ Oun yaake his o Salomo o baro ray pral i tsele themma, hoy hi čiddo mank o pani Eufrat oun ko them, kay i Filistarya djivan, oun tele bis pash o them Egiptia. Pral kolende his les penepaske, oun yon playsran leske roup oun sonakay, yaake rah har yob djivas.

O Debleskro Drom 2021 (Sinte)

¹ Un jaake his o Salomo o baro rai pral i tsele themma, hoi hi tchiddo mank o pani Eufrat un ko them, kai i Filistarja djiwan, un tele bis pash o them Egiptia. Pral kolende his les penepaske, un jon plaissran leske rup un sonakai, jaake rah har job djiwas.

1. Rajengro liil 5:1 Iomraidhean Croise

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

2. Samuel 5:11

O baro ray pral o foro Tirus, o Hiram, bičras morshen pash o Davideste, kay anan leske cedertikro kasht, ninna boudepangren, kay hayvan mishto o kashteha oun barrentsa te boudrell. Kolla kran o Davideske i shoukar baro kheer.

1. Rajengro liil 10:25

Oun hakeno, kay vas, anas kouč koova pash leste, roupeno oun sonakaskro koova, ripya oun karmangre, soungepaskro djet, graya oun maultikre bourike. Kova his hako bersh yaake.

1. Rajengro liil 5:10

Leskro gosvepen his bareder har ko tselo gosvepen halauterendar khetne, kay djivan an o them, kay o kham pre djal, oun ninna har ko gosvepen foun i Egiptarya.

1. Rajengro liil 5:13

Yob rakras pral i rouka, kol bare cedertikre roukendar, kay hi ap o Libanon tardo, bis pash o tikno bour, o Hysop, hoy vell dran i massouri vin. Ninna rakras yob pral i firhende ap o them: pral i čirkle, oun pral i tikne firhe, hoy djan pral i phoub, oun pral i mače.

1. Familjakro liil 14:1

O baro ray pral o foro Tirus, o Hiram, bičras morshen pash o Davideste, kay anan leske cedertikro kasht, ninna boudepangren, kay hayvan mishto i barrentsa oun o kashteha te boudrell. Kolla kran o Davideske i shoukar baro kheer.

2. Familjakro liil 17:11

Ninna mank i Filistarya his save, kay anan leske kouč koova, oun ko roup, hoy yob lendar mangas. Oun ninna i Arabarya anan leske 7.700 (efta-zerya-efta-sheel) morsh bakre oun 7.700 morsh bouzya.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoy leske hi, kay nay mangah les an, oun nay rhačrah lačo soungepaskro koova glan leste, oun čivah hako tsiro maro glan leste vin, oun rhačrah firhen leske taysarlake oun rati, ninna ap o Debleskro dives, oun ap ko dives, kay o nevo čon diklo vell, oun ap vavar bare divessa, te sharas maro baro Debles. Yob penas menge, te kras mer kova hako tsiro.

2. Familjakro liil 9:26

Oun yob his o baro ray pral i tsele rayende pral i themma mank o baro pani Eufrat oun o them, kay i Filistarya djivan oun bis pash o them Egiptia.

Esra 4:20

Ninna his zorele bare raya an o foro Yerusalem, kay his i raya pral halauter, hoy ap i vavar rig o panyestar Eufrat djivella, yaake kay vas lenge hounte themeskre love dino, ninna foreskre love oun vavar koova.

Debleskri gili 45:12

Tou hal yaake shoukar, te kamell tout o baro ray. Yob hi tiro ray. Doleske dja ap i čanga glan leste!

Debleskri gili 72:8

Oun yob vell o baro ray pral i tsele themma, foun yek baro pani bis pash o vavar baro pani.

Debleskri gili 80:12

Leskre moussya djan bis pash o baro pani ap koy yek rig, oun bis pash ko zorelo lengsto pani ap koy vavar rig.

2. Mose 34:24

Me tradau i tsele vavar menshen glan t'mende krik, oun krau t'maro them bareder. Yaake vell kek an t'maro them, te lell lo peske i kotar them ap ko tsiro, kay djan t'mer triin kope an o bersh pash t'maro baro Debleste, te venn khetne glan leste.

Jesaja 23:1

Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

Ezekiel 19:11

Oun kolla van yaake zorelo, te nay krans le rayengre kashta dran lende. Ko bour vas baro, bareder har kol vavar rouka troul leste. Hakeno nay dikas, har zorelo yob his, oun har boud zenele kashta les his.

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

4. Mose 24:7

An o Israeleskro them hi boud pani, oun leskri phoub, kay o djob oun o gib bares venna, hi boudeder har doha pani. Leskro baro ray vell bareder har o Agag. Oun leskro them oun leskre menshe venn zorleder har i vavar menshe troul lende.

Louka 7:5

Yob hi menge lačes oun kras menge i kheer, kay mangah o Debles an.”

5. Mose 20:11

Oun te penenn le, te kamenn le kek kourepen, oun krenn t'menge o foreskre voudya pre, palle lenn kol tsele menshen, kay kote dren hi, te hounte boudrenn t'menge i zilah.

1. Samuel 10:27

Koy his ninna morsha, kay či-molde his. Kolla penan: “Har nay lell kava morsh men vin dran i bibarht?” Oun yon dikan tele ap leste, oun anan leske či. O Saul kras yaake har shounals lo kova gar.