1. Rajengro liil 3:7 - O Debleskro Lab 2024 (Sinte-Manouche)

⁷ Oun kanna, miro baro Devel, kral tou, miro ray, te vom me baro ray pal miro dadeste, o Davideste. Oun dik, me hom i terno morsh oun djinau gar, har te krap savi boudi.

O Debleskro Drom 2021 (Sinte)

⁷ Un kanna, miro baro Dewel, kral tu, miro rai, te wom me baro rai pal miro dadeste, o Davideste. Un dik, me hom i terno mursh un djinau gar, har te krap sawi budi.

1. Rajengro liil 3:7 Iomraidhean Croise

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

1. Familjakro liil 22:5

O David penas peske: Miro čavo, o Salomo, hi terno oun djinell gomme gar, har te krell i kheer; ko kheer o baro Debleske hounte vell yaake baro oun raylo, te nay vell lo prindjedo oun sharedo an i tsele themma. Doleske kamau me leske doha koova koy te čivell. Oun yaake las o David boud koova khetne glan leskro merepen.

1. Familjakro liil 22:9

Dik, i čavo vell touke boldo, yob vell i morsh, kay djinell kek kourepen. Me krau te kourell pes kek leha kolendar halauterendar, kay troul t'mende djivenn. Yaake rah har yob djivell, nay djivenn i Israelitarya kek kourepah oun marepah. Doleske de les o lab Salomo.

1. Familjakro liil 29:1

Oun o baro ray, o David, penas ap i tsele menshende, kay kote khetne his: “O Devel rodas yek mire čavendar vin, o Salomes: Yob hi terno oun djinell gomme gar, har te krell lo i kheer. Oun i kheer maro Debleske te krell, hi i bari boudi. Kova vell gar i kheer i mensheske, na-a, kova vell i kheer o baro Debleske.

Debleskri gili 121:8

O baro Devel rikrell peskre vasta pral toute ap tire tsele dromma, kote kay veh oun kote kay djah kanna oun hako tsiro.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Sikepaskro 10:16

Djungeles djal i menshenge an i them, koleskro baro ray i čavo hi, oun kay i pralstoune taysarlakro rhapangre hi!

Jeremia 1:6

Oun me penom: Baro Devel, miro ray, me hom gar mishto doha te penap tiro lab. Me hom gar phouro doha.

Jeremia 1:7

O baro Devel penas ap mande: Pen gar: Me hom gar phouro doha! Tou hounte djas, kay me tout bičrau. Oun pen halauter, hoy me touke penau.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Daniel 4:25

Oun lauter vas yaake pral o baro rayeste, o Neboukadnezar.

Daniel 4:32

Kolla, kay ap i phoub djivenna, hi har či glan leste. Oun har yob kamella, djal yob kol pralstunentsa trouyel, kay an o bolepen hi, oun ninna kolentsa, kay ap i phoub djivenna. Oun kek nay penell leske: Kova hounte kress tou gar! Vitar kek nay poučell lestar: Hoy kreh tou kate?

Daniel 5:18

Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

Daniel 5:21

Oun yob vas pale-čiddo oun nay djivas bouder gar mank i menshende. Oun leskro dji vas har i firheskro dji. Oun yob djivas pash i divye bourike. Oun yon dan les khass te rhal har i groumyen. Oun yob čivas pes vin tele. Oun o brishin peras ap leste tele oun kras les sapeno, bis ap ko dives, kay yob hayvas, te hi o pralstouno Debles i tsele rayengre themma an peskro vast, oun yob dell len koleste, koneste yob kamell.

4. Mose 27:17

yekes, kay djal glan lende vin oun dren, oun anell len vin oun dren, te venn o baro Debleskre menshe gar har bakre, kay len kek bakrengro hi.”

Johanni 10:9

Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

5. Mose 31:2

120 (yek-sheel-te-biish) bersha hom me kava dives. Me nay djau bouder gar glan t'mende vin oun dren. Oun o baro Devel penas ap mande: Tou djas gar pral kava pani Yordan vergel.

1. Samuel 18:16

O tselo Israel oun o tselo Youda kaman les, har dikan le, havo lačo kourepaskro yob hi.