1. Rajengro liil 3:6 - O Debleskro Lab 2024 (Sinte-Manouche)

⁶ Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

O Debleskro Drom 2021 (Sinte)

⁶ Kote penas o Salomo: “Baro latchepen kral tu miro dadeske, o Davideske, kai tuke koi his, un ap tute rikras, un djiwas an tiro tchatchepen peskro tselo djijeha glan tute. Un mukal tiro latchepen pral leste te well, un dal les i tchawo. Kowa hi kanna ap leskri beshepaskri beshdo pal leste.

1. Rajengro liil 3:6 Iomraidhean Croise

1. Mose 24:40

Koy penas o Abraham ap mande: O baro Devel, kay djau ap leskro drom, bičrell peskro bolepaskres glan toute oun dell barht ap tiro drom, te less miro čaveske i romyat mire menshendar oun dran miro dadeskro kheer.

2. Samuel 22:21

O baro Devel djinas, te homs an o čačepen tardo. Doleske kras lo mange lačepen. Kek doosh his ap mande. Doleske his lo mange lačo.

2. Samuel 22:25

Miro čačepen his glan leskre yaka. Oun kek doosh his ap mande. Doleske kras o baro Devel mange lačepen.

2. Samuel 7:5

Dja koy oun pen ap miro boudepaskro o David: Yaake penell o baro Devel: “Kameh tou mange i kheer te krell, te djivap koy dren?

1. Rajengro liil 1:48

Ninna penas lo: Sharenn o baro Debles, kay o Israeleskro Devel hi! Kava dives čivas lo yekes mire čavendar ap miro rayeskri beshepaskri, oun moukas man kova gomme te dikell!”

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

1. Rajengro liil 2:4

Oun o baro Devel moukell peskro lab čačo te vell, hoy yob ap mande rakras, har lo penas: Te denn tire čave garda ap pengre dromma, te djivenn yon pengro tselo djipen glan mande, oun rikrenn ap mande pengro tselo djiyestar oun pengri tseli zoryah, palle hi an hako tsiro yek tire čavendar o baro ray pral Israel.

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

2. Familjakro liil 1:8

Kote penas o Salomo ap o Debleste: “Baro lačepen kral tou miro dadeske, o Davideske, oun kral, te vom me baro ray pal leste.

Debleskri gili 116:7

Me penau ap miro dji: “Ma dare bouder! O baro Devel his lačo ap toute.”

Debleskri gili 119:17

Ab lačes ap mande, tiro boudepaskro, te djivap oun rikrap tiro lab.

Debleskri gili 13:6

Me dikau ap tiro lačepen, miro dji bashrell koy pral, kay tou man vin leh dran i čilače vasta. Me kamau te givap o baro Debleske, kay mange yaake lačes hi.

Debleskri gili 15:2

Koles kokres, kay i djoudjo djipen djivell, oun hako tsiro krell, hoy čačo hi. Kova, kay kek rhorhepen rakrella,

4. Mose 12:7

O Moseha, koles miro čačo vast hi, krau gar yaake. Leste dom miro tselo kheer an o vast.

2. Korintarja 9:11

Yob dell t'men yaake boud, te nay denn ninna kolen, kay len či hi. Te lenn yon kova, hoy mer anah lenge, palle parkrenn pen boud menshe pash o Debleste.

2. Korintarja 9:5

Doleske mangom kol phralen, te djan yon glan mende, oun lenn kol love, hoy t'mer khetne čivan. Yaake hounte čivenn t'mer gar kol love sik khetne ap ko dives, kay mer vah. Oun kol love, hoy t'mer denn, vell o djiyestar, oun gar dran o boklepen.