1. Rajengro liil 3:3 - O Debleskro Lab 2024 (Sinte-Manouche)

³ O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

O Debleskro Drom 2021 (Sinte)

³ O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

1. Rajengro liil 3:3 Iomraidhean Croise

1. Rajengro liil 11:34

O Davideske, kay mange koy his, krau me kova gar, yaake rah har o Salomo djivell. O Davides rodom vin, oun yob rikras pes ap mire laba oun miro čačepen. Doleske nay ačell o Salomo baro ray peskro tselo djipen.

1. Rajengro liil 11:38

Te shouneh ap halauter, hoy me touke penau, oun te djah tou ap mire dromma oun kreh, hoy glan mire yaka mishto hi, oun djiveh pal miro čačepen oun mire laba, har miro boudepaskro, o David, kova kras, palle hom me touha. Oun yaake har o Davideske krom, krau me, te vell dran tiri familya hako tsiro yek, kay hi o ray. Oun me dau tout o Israel, te vess ray pral leste.

1. Rajengro liil 11:4

Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

1. Rajengro liil 11:6

Oun o Salomo kras, hoy djoungelo his glan o baro Debleskre yaka. Oun yob djas gar peskro tselo djiyeha ap o Debleskro drom har kova leskro dad, o David, kras.

1. Rajengro liil 14:23

Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

1. Rajengro liil 14:8

Oun me krom, te vas bouder kek o Davideskre čavendar o ray pral o them. Tout lom, te vess lengro ray. Oun tou hals gar har o David, kay mange koy his, oun ko rikras mire laba, oun djas peskro tselo djiyeha ap miro drom, oun kras, hoy glan mire yaka mishto hi.

1. Rajengro liil 15:11

Oun o Asa kras kova, hoy mishto his glan o baro Debleskre yaka, har leskro phouro dad David ninna kras.

1. Rajengro liil 15:14

Ninna te ačenn kol boud moulne platse tardo, rikras pes o Asa ap o baro Debleste peskro tselo djiyeha, yaake rah har yob djivas.

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

1. Rajengro liil 22:43

Oun o Yosafat djas ap ko tselo drom, kay leskro dad, o Asa, ninna djas. Oun yaake har leskro dad kras lo, hoy lačo hi glan i yaka o baro Deblestar.

1. Rajengro liil 22:44

Kokres kol platse, kay i moule debla an-mangedo van, moukas lo tardo te ačell. Oun i menshe rhačran firhen oun soungepaskro koova kote.

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

1. Rajengro liil 3:6

Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

1. Rajengro liil 8:25

Kanna, baro Devel, tou Devel pral o Israel, rike ninna tiro vavar lab, hoy tou dal miro dadeske, o Davideske, kay touke koy his. Tou penal, te vell hako tsiro yek dran o Davideskri familya o ray pral o Israel. Kova djal yaake rah, har denn leskre čave garda ap pengre dromma, te djivenn le glan toute yaake, har o David glan toute djivas.

1. Rajengro liil 8:61

Oun t'mer, ačenn t'maro tselo djiyeha pash maro baro Debleste, oun krenn, hoy yob t'mendar kamell, oun rikrenn leskre laba, har t'mer kava dives krenn.

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

2. Rajengro liil 12:3

Oun o Yoash kras, hoy o baro Debleske mishto his, yaake rah har o rashay Yoyada leskro sikepaskro his.

2. Rajengro liil 12:4

Kokres kol moulne platse moukas lo gar khetne te dell, kay rhačran i menshe i moule deblenge firhen oun soungepaskro koova.

2. Rajengro liil 14:3

O Amazya kras, hoy mishto his glan o baro Debleskre yaka. Kokres har leskro dad David his lo gar, na-a, yob his yaake har leskro dad Yoash oun djivas ninna yaake.

2. Rajengro liil 14:4

Kol moulne platse, kay i menshe firhen oun soungepaskro koova rhačrenn i moule deblenge, moukas lo gar krik te lell.

2. Rajengro liil 15:35

Kokres kol moulne platse moukas lo gar khetne te dell. Oun i menshe rhačran kote i moule deblenge firhen oun soungepaskro koova. O Yotam kras ko pralstouno voudar ap o baro Debleskro kheer.

2. Rajengro liil 15:4

Kokres kol moulne platse moukas lo gar khetne te dell. Oun i menshe rhačran kote i moule deblenge firhen oun soungepaskro koova.

2. Rajengro liil 18:22

Kamenn t'mer mange te penell: Maro baro Devel vell menge ap i rig! Bistran t'mer, kay yob kova hi, koleskre mangepaskre platse o Hiskiya krik las, ninna leskre rhačepangre? Oun o Hiskiya moukas i menshenge an o them Youda oun an o foro Yerusalem te penell: Kokres glan koy rhačepaskri, kay an o foro Yerusalem tardo hi, hounte vitsrenn t'men tele.

2. Rajengro liil 18:4

O Hiskiya kras kol moulne platse paash, kay le i moule deblen an-mangan. Yob moukas kol bare barra an kotya te phagell, hoy le lenge pre-čivan, oun moukas koy kashteni debletsa Ashera trouyel te dell. Oun yob das ko sasterno sap paash, hoy moukas o Mose te krell. Glan ko tsiro, kay o Hiskiya kova kras, rhačran i Israelitarya soungepaskro koova glan ko sap, oun dan leste ko lab Nehoushtan.

2. Familjakro liil 15:17

Ninna te ačenn kol boud moulne platse tardo an Israel, rikras pes o Asa ap o baro Debleste peskro tselo djiyeha, yaake rah har yob djivas.

Debleskri gili 145:20

Kolla, kay les o djiyestar kamenna, pral kolende rikrell lo peskre vasta. Kolla, kay čilačo koova krenna, moukell lo te merell.

Debleskri gili 31:23

Me homs yaake dareno, te penom: “Mo Devel, tou kameh mandar bouder či te djinell!” Kova his gar yaake: Tou shounal man, har rovom ap toute.

3. Mose 17:5

Bis kanna maran i Israelitarya pengre firhen vin ap o them. Kanna hounte anenn le len o baro Debleske glan o voudar leskro plarhteno kherestar pash o rashayeste. Oun kote venn le maredo, te rhan le len khetne glan o baro Debleste.

Mateo 22:37

Penas o Yezous ap leste: “Tou kamess tiro Debles o tselo djiyestar an tiro tselo djipen, an lauter, hoy tou djineh.

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 10:13

Djib pal leskro lab, oun rike leskre čačepaskre laba, hoy touke kava dives penau. Palle djal touke mishto.

5. Mose 11:13

Yaake shounenn ap kol laba, hoy t'menge kava dives penau, te kamenn t'maro baro Debles o tselo djiyestar oun venn leske koy t'mari tseli zoryah.

5. Mose 30:16

Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

5. Mose 30:20

Kamenn t'maro baro Debles! Shounenn ap leste, oun rikrenn t'men ap leste! Kova hi t'maro djipen. Oun yaake nay djivenn boud bersha an ko them, kolestar o baro Devel pes sovel das glan t'mare phourende, glan o Abraham, o Isaak oun o Yakob, te dell lo les lende.

5. Mose 30:6

T'maro baro Devel dell t'men djia, hoy shounenn oun krenn, hoy lo t'mendar kamell. T'men oun kolen, kay t'mendar venna, dell lo save djia, yaake te kamenn t'mer t'maro baro Debles o tselo djiyestar oun t'mari tseli zoryah. Oun t'mer ačenn djido.

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Samuel 9:12

Yon penan: “Ava, yob vas i tikno tsiro glan toute kay. Kava dives hi o dives, kay anenn le firhen o Debleske ap i pralstouni platsa. Doleske vas lo an o foro. Djan sik,