1. Rajengro liil 3:1 - O Debleskro Lab 2024 (Sinte-Manouche)

¹ Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

O Debleskro Drom 2021 (Sinte)

¹ Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

1. Rajengro liil 3:1 Iomraidhean Croise

2. Samuel 5:7

O David las ko zorelo kheer Sion peske dren. Kova hi kanna o Davideskro foro.

1. Rajengro liil 11:1

O baro ray Salomo romedineras boud djouvyen dran vavar themma: koy čay o baro rayestar pral o them Egiptia, ninna djouvya dran i themma Moab, Ammon, oun Edom, dran o foro Sidon oun i menshendar Het.

1. Rajengro liil 2:10

Oun o David meras oun vas paskedo an o foro Yerusalem.

1. Rajengro liil 6:1

An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

1. Rajengro liil 7:1

Ap peskre khera boudras o Salomo 13 (deesh-te-triin) bersha, bis te halauter kerdo his.

1. Rajengro liil 7:8

Oun leskro kheer, kay yob djivas, his čiddo pal ko kheer, kay leskri beshepaskri his, ap i vavar platsa. Kava kheer his yaake kerdo, har kol vavar khera ninna. Oun yob moukas ninna savo kheer te krell peskri romyake. Koya his i čay o baro rayestar pral o them Egiptia.

1. Rajengro liil 9:1

Oun yaake vas, har o Salomo o baro Debleskro kheer kras, oun ninna peskro kheer oun halauter, hoy yob kamas te krell,

1. Rajengro liil 9:10

Biish bersha boudran o Salomeskre boudepangre ap kol douy khera, ap o baro Debleskro kheer oun ap o baro rayeskro kheer.

1. Rajengro liil 9:24

Oun koy čay o Faraestar tserdas vin dran o Davideskro foro, oun vas an lakro kheer, hoy o Salomo moukas lake te krell. Koy pal moukas lo ko turmo te krell, hoy kharell Millo.

1. Familjakro liil 11:7

Oun o David djivas an kava zorelo kheer. Doleske vell ko kheer kharedo Davideskro foro.

2. Familjakro liil 18:1

Oun o Yosafat his boud bravlepen oun vas mishto an-diklo. Oun yob romedineras an i familya Ahab.

2. Familjakro liil 8:11

Oun o Salomo anas peskri romyat, koy čay o Faraestar, dran o Davideskro foro pral an ko kheer, hoy yob moukas lake te krell. Oun yob penas: “I djouvel hounte djivell gar an o kheer o Davidestar, ko rayestar pral Israel. Glan i tsiro his kote ko morhton tardo, kay o baro Debleskre laba dren hi. Haki platsa, kay ko morhton tardo his, hi i Debleskri platsa.”

Esra 5:11

Oun kova hi, hoy yon menge penan: “Mer ham i boudepangre o Deblestar, kay kras o bolepen oun i phoub, oun čivah kava kheer pale pre, kay glan boud bersha kate tardo his, oun koles i baro zorelo ray dran o them Israel moukas pre te čivell. Yaake his ko kheer shoukar koy tardo.

Esra 9:14

Har nay vas kova yaake, te kras kova kanna pale, te shounas gar ap tire laba, oun te las menge romyen kol vavar menshendar, kay savo djoungelo koova krenn? Hounte vell tiri rholi gar yaake pral mende, bis te ačell kek mendar ap o djipen? Bis te kek menshe mendar bouder koy hi, kay pral ačan oun nay djivenn doureder?

5. Mose 23:8

I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.