1. Rajengro liil 2:1 - O Debleskro Lab 2024 (Sinte-Manouche)

¹ Oun o tsiro vas, kay hounte merell o David. Kote rakras lo peskro čaveha, o Salomeha, oun penas ap leste:

O Debleskro Drom 2021 (Sinte)

¹ Un o tsiro was, kai hunte merell o David. Kote rakras lo peskro tchaweha, o Salomeha, un penas ap leste:

1. Rajengro liil 2:1 Iomraidhean Croise

1. Mose 47:29

Har ko tsiro vas, kay merell lo, kharas yob peskro čaves, o Yosef, oun penas ap leste: “Ab mange lačo, de tiro vast koy pre, kay rikreh tiro lab: Paske man gar an o them Egiptia!

2. Samuel 7:12

Te hi tiro tsiro trouyel, oun tou mereh, hadau yekes tire čavendar, kay pal toute venna, te vell lo baro ray, oun ačell kova.

1. Rajengro liil 1:53

Oun o baro ray Salomo bičras yekes pash o Debleskri rhačepaskri, kay o Adoniya tardo his, oun moukas les kotar pash peste te anell. Oun har yob vas, vitsras lo pes glan o baro rayeste Salomo ap i phoub tele. Oun o baro ray Salomo penas ap leste: “Dja kanna khere!”

1. Familjakro liil 22:6

Oun yob kharas peskro čaves, o Salomo, pash peste, oun penas leske, te krell lo i kheer o baro Debleske, kay o Israeleskro Devel hi.

4. Mose 27:19

oun an les glan o rashayeste Elazar oun glan i tsele Israelitarya. Oun pen lenge halauterenge, te hi yob kova, kay pal toute lengro ray vell.

5. Mose 3:28

Oun pen ap o Yosua: Ma traash, ab zoreles! Yob hi kova, kay djal glan i Israelitaryen vergel o pani Yordan, oun anell len dren an ko them, hoy tou dikeh, te lenn le les penge dren.”

5. Mose 31:14

O baro Devel penas ap o Mose: “Tire divessa van, te hounte meress: De o Yosua gole, oun ab khetne leha pash o Debleskro plarhteno kheer, te čivap les dren an leskri boudi.” Oun o Mose oun o Yosua djan dren an o Debleskro plarhteno kheer,

5. Mose 31:23

Oun o baro Devel penas ap o Yosua, koleskro dad o Noun his: “Ab zorelo oun ma traash! Tou aness i Israelitaryen an ko them, koleske me man sovel dom, te anau len koy. Oun me kamau touha te vell.”

5. Mose 33:1

Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

1. Timoteo 6:13

Me penau touke glan o Debleste, kay krell lauter djido, oun glan o Yezous Kristo, kay penas o čačepen glan o Pontio Pilato:

2. Timoteo 4:1

Kova, hoy kanna penau touke, penau glan o Debleste oun glan o Yezous Kristeste, kay krell o čačepen vin pral i djidende oun i moulende. Yob, kay vell pale, te vell lo baro ray pral i tsele menshende, kova shounell, hoy touke penau:

2. Timoteo 4:6

Miro djipen hi har i pipen, hoy vell vin čoredo o Debleske. O tsiro vas, kay hounte merap.