1. Rajengro liil 18:3 - O Debleskro Lab 2024 (Sinte-Manouche)

³ Oun o Ahab moukas o Obadya te kharell, – kova his o pralstouno pral leskro kheer. O Obadya shounas peskro tselo djiyeha ap o baro Debleste.

O Debleskro Drom 2021 (Sinte)

³ Un o Ahab mukas o Obadja te kharell, – kowa his o pralstuno pral leskro kheer. O Obadja shunas peskro tselo djijeha ap o baro Debleste.

1. Rajengro liil 18:3 Iomraidhean Croise

1. Mose 22:12

Penas o bolepaskro: “Tape kol čaves gar an! Oun kre les či! Kanna djinau me, kay shouneh o tselo djiyeha ap o Debleste oun kreh, hoy yob penell. Tou rikral tiro yek čaves mandar gar pale.”

1. Mose 24:10

Pal kova las o boudepaskro deesh khamele oun kouč koova peskro rayestar peha, oun djas an o them Mesopotamia an o foro, kay o Nahor djivell.

1. Mose 24:2

Koy penas o Abraham ap peskro pralstouno boudepaskro, kay das garda ap halauter, hoy o Abrahames his: “De tiro vast koy pre,

1. Mose 39:9

Kek hi bareder an kava kheer har me. Oun miro ray rikras či peske har tout kokres. Tou hal leskri romni. Har nay anau havi bari doosh ap mande, te krap kova, hoy o Devel gar kamella?”

1. Mose 41:40

Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

1. Mose 42:18

Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

1. Rajengro liil 16:9

Oun o Simri, ko pralstouno pral o paash i vourdyendar, kras pes čorrhanes vavarentsa khetne, te marell lo o Ela. His i dives, kay his o Ela an o kheer ko pralstunestar pral o rayeskro kheer an Tirza. Ko pralstouno kharas Arza. Oun o Ela piyas kote oun vas mato.

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

1. Rajengro liil 18:2

Oun o Eliya kras pes ap o drom, te moukell lo pes glan o Ahab te dikell. An o them Samaria his i bok zoreles.

2. Rajengro liil 4:1

Kote his i djouvel, kolakro rom his i Debleskro rakepaskro. Koya das pal o Elisa gole oun penas: “Tiro boudepaskro, miro rom, meras. Oun tou djineh, kay lo ap o baro Debleskro drom djas. Oun kanna vell ko morsh, kay miro romes siyaan hi pash leste, oun kamell mire douy čaven te lell, te venn le leskre ginle boudepangre.”

Nehemia 5:15

Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

Nehemia 7:2

Oun me čivom douy pralstunen pral o foro Yerusalem, miro phrales, o Hanani, oun o Hananya, kay o pralstouno lourdo pral o lourdengro kheer his. Yob his i morsh o labestar, oun djivas yaake o Debleha har gar boud vavar.

Hiob 28:28

Yob penas ap o mensheste: Savo mensho hi gosevo, kay rikrell pes o Debles glan i yaka pash kova, hoy lo krell. Savo mensho hayvas, har te djivell lo o gosevo djipen, kay rikrell pes pale o čilačepastar.

Debleskri gili 112:1

Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba.

Gosewe laba 14:26

Kova, kay djivell o baro Debleha, koles hi zoor an o dji. Ninna pral leskre čavende rikrell o baro Devel peskre vasta.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Mateo 25:17

Oun ninna kova, kay kol douy gone peskro rayestar las, kova las douy vavar gone pashel.

Bičepangre 10:2

Kova his i lačo morsh oun patsas ap o Debleste peskre tsele menshentsa. Yob das boud i čorvelende, oun mangas o Debles hako dives an.