1. Rajengro liil 11:4 - O Debleskro Lab 2024 (Sinte-Manouche)

⁴ Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

O Debleskro Drom 2021 (Sinte)

⁴ Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

1. Rajengro liil 11:4 Iomraidhean Croise

1. Rajengro liil 11:2

Kolla his save menshendar, kolendar o baro Devel ap i Israelitarya penas: “Ma moukenn t'men lentsa dren, oun yon hounte moukenn pen gar t'mentsa dren. Yon tserdans t'mare djia pash lengre deblende.” Ap kal djouvyende nashras o Salomo peskro dji.

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

1. Rajengro liil 11:38

Te shouneh ap halauter, hoy me touke penau, oun te djah tou ap mire dromma oun kreh, hoy glan mire yaka mishto hi, oun djiveh pal miro čačepen oun mire laba, har miro boudepaskro, o David, kova kras, palle hom me touha. Oun yaake har o Davideske krom, krau me, te vell dran tiri familya hako tsiro yek, kay hi o ray. Oun me dau tout o Israel, te vess ray pral leste.

1. Rajengro liil 11:42

Ko tsiro, kay o Salomo o baro ray his pral o tselo Israel, his star-deesh bersha. An ko tsiro djivas lo an o foro Yerusalem.

1. Rajengro liil 11:6

Oun o Salomo kras, hoy djoungelo his glan o baro Debleskre yaka. Oun yob djas gar peskro tselo djiyeha ap o Debleskro drom har kova leskro dad, o David, kras.

1. Rajengro liil 11:9

Yaake kras o Salomo gar, hoy o baro Devel lestar kamella, kova, kay o Israeleskro Devel hi, oun moukas pes leske douy kope te dikell, oun penas leske, te mangell lo gar vavar deblen an. Ap kova rikras pes o Salomo gar. Oun o baro Devel vas rhoyedo ap leste,

1. Rajengro liil 14:21

Oun o Salomeskro čavo, o Roboam, vas o baro ray pral o them Youda. 41 (star-deesh-te-yek) bersh his lo phouro, har yob baro ray vas, oun 17 (deesh-te-efta) bersha his lo baro ray an Yerusalem, ko foro, hoy o baro Devel rodas peske vin dran o tselo them Israel, te nay mangenn le les kote an. Oun i day o Roboamestar his i Naama. Yoy his dran o them Ammon.

1. Rajengro liil 15:14

Ninna te ačenn kol boud moulne platse tardo, rikras pes o Asa ap o baro Debleste peskro tselo djiyeha, yaake rah har yob djivas.

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 3:3

O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

1. Rajengro liil 6:1

An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

1. Rajengro liil 8:61

Oun t'mer, ačenn t'maro tselo djiyeha pash maro baro Debleste, oun krenn, hoy yob t'mendar kamell, oun rikrenn leskre laba, har t'mer kava dives krenn.

1. Rajengro liil 9:10

Biish bersha boudran o Salomeskre boudepangre ap kol douy khera, ap o baro Debleskro kheer oun ap o baro rayeskro kheer.

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

1. Familjakro liil 29:19

Oun miro čaveste Salomo de i čačo dji, te rikrell lo tire laba, oun krell, hoy tou lestar kameh, oun djivell pal tiro čačepen; te krell yob ninna lauter, te vell touke kava kheer kerdo, koleske kava tselo koova khetne anom.

2. Familjakro liil 17:3

Oun o Yosafat djas ap o Debleskro drom har glan leste leskro phouro dad, o David. Oun nashas gar i moule deblenge palla, hoy kharenn Baal. Doleske his o baro Devel pash leste.

2. Familjakro liil 25:2

O Amazya kras, hoy mishto his glan o baro Debleskre yaka, ninna te rikras lo gar peskro tselo djiyeha ap leste.

2. Familjakro liil 34:2

Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

2. Mose 20:3

Oun tout vell kek vavar Devel har man.

5. Mose 17:17

Vitar gar hounte lell peske t'maro baro ray boud djouvyen, te vell leskro dji gar tele anlo o čačo dromestar. Ninna lell lo peske gar boud roup oun sonakay khetne.

5. Mose 7:4

Kol ča anens t'mare morsh čaven o baro Debleskro dromestar tele, yaake te mangens le vavar deblen an. Palle vals o baro Debleskri rholi pral t'mende, oun sik marals yob t'men.