1. Rajengro liil 1:5 - O Debleskro Lab 2024 (Sinte-Manouche)

⁵ Oun o Adoniya, koleskri day o Davideskri romni, i Haggit his, kova kras pes baro oun penas: “Me, me kamau baro ray te vell!” Oun yob las peske vourdya oun graya, oun i paash-sheel morsha, te nashenn le glan leste.

O Debleskro Drom 2021 (Sinte)

⁵ Un o Adonija, koleskri dai o Davideskri romni, i Haggit his, kowa kras pes baro un penas: “Me, me kamau baro rai te well!” Un job las peske wurdja un graja, un i paash-sheel mursha, te nashenn le glan leste.

1. Rajengro liil 1:5 Iomraidhean Croise

2. Samuel 15:1

Oun koy pal vas kova yaake, kay o Absalom peske i vourdin las, oun graya, oun paash-sheel morshen, kay nashan glan leste.

2. Samuel 3:4

Ko starto his o Adoniya. Leskri day his i Haggit. Ko pančto his o Shefatya. Leskri day his i Abital.

1. Rajengro liil 1:11

Kote penas o Natan ap i Batsheba, o Salomeskri date: “Shounal tou gar, kay o Adoniya, koleskri day i Haggit hi, maro baro ray vas, oun o David, maro ray, djinell kolestar či?

1. Rajengro liil 1:4

Oun kay terni čay his boud shoukar. Yoy his o baro rayeske koy oun his leskri boudepaskretsa. O baro ray David sovas gar lah.

1. Rajengro liil 2:13

Oun o Adoniya, koleskri day i Haggit hi, vas pash i Batsheba, o Salomeskri day. Oun yoy penas: “Veh tou pash mande an o lačepen?” Oun yob penas: “Ava.

1. Rajengro liil 2:15

Oun yob penas: “Tou djineh, me hom kova, kay hounte voms o baro ray. Oun i tsele Israelitarya patsan, te vap me lengro baro ray; kanna vas vavarčandes, oun miro phraal vas o baro ray. O baro Devel kamas kova yaake.

1. Rajengro liil 2:24

O baro Devel kras man baro ray pal miro dadeste David, oun penas mange, te venn dran miro kheer i raya pral Israel. Pash leste, o djido Debleste, dau man sovel: Kava dives hounte merell o Adoniya!”

1. Familjakro liil 28:5

Oun o baro Devel das man boud čave. Mank lende rodas yob miro čaves, o Salomo vin. Koleste das o baro Devel peskro čačo vast, te vell yob baro ray pral Israel.

1. Familjakro liil 29:1

Oun o baro ray, o David, penas ap i tsele menshende, kay kote khetne his: “O Devel rodas yek mire čavendar vin, o Salomes: Yob hi terno oun djinell gomme gar, har te krell lo i kheer. Oun i kheer maro Debleske te krell, hi i bari boudi. Kova vell gar i kheer i mensheske, na-a, kova vell i kheer o baro Debleske.

1. Familjakro liil 3:2

O triinto his o Absalom. Leskri day his i Maaka, kolakro dad his o Talmay. Kova his o ray pral Geshour. O starto his o Adoniya. Leskri day his i Haggit.

2. Mose 9:17

Tou patseh, tou nay kreh mire menshentsa, hoy kameh, oun moukeh len gar te djal.

Gosewe laba 16:18

Koon pes bares krell, vell phagedo. Oun i pre-phourdo mensho perell.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Jesaja 2:7

O them Israel hi pherdo roup oun sonakay, oun leskro bravlepen hi yaake boud, te djinell kek, har boud kova hi. Oun o them hi pherde graya, oun lengre kourepangre vourdya nay ginell kek tele.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

Čačepangre 9:2

“Penenn ap i tsele morshende an o foro Sichem: Hoy kamenn t'mer? Hi feteder t'menge, te hi efta-deesh morsha raya pral t'mende, kol tsele čave o Gideonestar? Hi gar feteder, te hi yek morsh ray pral t'mende? Oun ma bistrenn, te hom me t'maro rat oun mass.”