1. Mose 9:6 - O Debleskro Lab 2024 (Sinte-Manouche)

⁶ O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

O Debleskro Drom 2021 (Sinte)

⁶ O Dewel kras o menshes, jaake har job hi. Doleske hunte well kowa mulo dino i menshestar, kai i menshes mulo das.

1. Mose 9:6 Iomraidhean Croise

1. Mose 4:14

Tou tradeh man kava dives vin dran o them! Me hounte khatrap man glan toute. Man vella kek them, kay khere hom. Me hounte dap man trouyel. Hakeno, koon hatsell man, nay dell man moulo.”

1. Mose 42:22

Oun o Ruben penas ap lende: “Penom me gar ap t'mende: Ma krenn čilačepen o čaveske? T'mer shounan gar. Kanna vell leskro rat ap mende.”

1. Mose 5:1

Kova hi ko liil, kay i laba činlo hi kol menshendar, kay van pal o Adam. Ap ko dives, har o Devel o menshes kras, kras les lo yaake har yob hi.

2. Samuel 4:11

T'mer čilače menshe kran i djoungleder koova har kova kras! T'mer dan i morshes moulo, kay pal o čačepen djivas, oun dan les moulo an leskro kheer ap leskro čiben. T'mer hounte playsrenn leskro rateske! T'mer han bouder gar moldo te djivenn ap kay phoub.”

1. Rajengro liil 2:9

Kava koova hounte less tou an tiro vast. Tou hal i gosevo morsh oun tou djineh, hoy hounte kress leha. Yob hi i phouro morsh. Mouk les gar an o lačepen te merell! Mouk les moulo te dell!”

2. Rajengro liil 11:1

Har o Ahasya moulo his, stas leskri day, i Atalya, pre, te marell li hakenes, kay o baro rayeha dran yek familya vas.

2. Rajengro liil 11:16

Oun yon tapran la oun anan la ko drom, kay i graya pash o baro rayeskro kheer nashenna. Oun kote vas li maredo.

2. Rajengro liil 11:20

Oun i tsele menshe dran Youda his barhtelo. Oun an o foro das kek kourepen, har maran le i Atalya o rhareha pash o baro rayeskro kheer.

2. Familjakro liil 33:24

Oun i bare morsha an leskro them čivan pen čorrhanes khetne, oun maran les an peskro kheer.

Debleskri gili 51:4

Thob miri doosh mandar tele, oun le ko tselo čilačepen mandar krik, te vap pale djoudjo!

2. Mose 20:13

Ma mare kekes!

Gosewe laba 28:17

I mensho, kay i vavares moulo das, kova ačell ap o naashepen, yaake rah har djivell lo. Kek te rikrell les pre!

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

3. Mose 24:17

Koon i menshes moulo dell, hounte vell moulo dino.

4. Mose 35:16

Te das yek i vavares mit i kotar saster yaake, te merell yob, hi lo i marepaskro oun hounte vell moulo dino.

4. Mose 35:25

Oun i Israelitarya hounte lenn kava morshes vin dran o vast kolestar, kay kamell les te marell, oun hounte anenn les pale pale an ko foro, kay nashas lo peske dren. Oun yob hounte ačell koy, bis ko pralstouno rashay meras, kay vas o Debleskro djeteha dren maklo.

4. Mose 35:33

Ma krenn ko them pale-čiddo, kay djivenn! Pale-čiddo vell ko them dran o rat, hoy ratell, te vell yek maredo. Kokres ko rateha kolestar, kay maras yekes, nay vell o them pale djoudjo.

Mateo 26:52

Koy penas o Yezous: “Čip tiro rharo tele! Hakeno, kay i rharo lella oun dell i vavares, ko vell i rhareha moulo dino.

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

1. Korintarja 11:7

I morsh hounte čivell kek stadi ap peskro shero. Yob vas kerdo pal o Debleste. Oun o Devel sharell pes leha. Yaake sharell pes o rom peskri romyah.

5. Mose 19:11

Hi vavarčandes yekeha, kay his rhoyedo ap yekeste oun khatrell pes, oun dell yak te taprell lo les, oun djal ap leste pre oun dell les moulo. Te nashell savo mensho an sau foro,

5. Mose 5:17

Ma mare kekes!

Jakobo 3:9

I čipyah sharah mer o Debles, kay hi maro ray oun dad. Oun i čipyah praasah mer i menshen, kay o Devel kras yaake har yob hi.

Debleskro tsiro 13:10

Koon stildo hounte vell, kova vell stildo. Koon o rhareha maredo hounte vell, kova vell o rhareha maredo. Doleske hounte venn o Debleskre menshe zoreles tardo an o patsepen, te denn le gar pre.

Čačepangre 9:56

Yaake moukas o Devel o čilačepen ap o Abimelek pale te vell, hoy lo ap peskro dadeste kras, har moukas yob peskre efta-deesh phralen temerl dell.

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.