1. Mose 9:21 - O Debleskro Lab 2024 (Sinte-Manouche)

²¹ Dran i drake kras yob mool, vas lo mato, rivas peskre koola vin oun his nanges an peskri plarhteno kheer čiddo.

O Debleskro Drom 2021 (Sinte)

²¹ Dran i drake kras job mool, was lo mato, riwas peskre koola win un his nanges an peskri plachteno kheer tchiddo.

1. Mose 9:21 Iomraidhean Croise

1. Mose 6:9

Kova hi ko liil, kay činlo hi pral o Noah peskre čaventsa. O Noah his i morsh, kay lačo oun čačo his. I tsele menshendar an ko tsiro kras yob kokres kek čilačepen. O Noah djivas o Debleha.

1. Mose 9:20

Oun o Noah his i harho oun čivas drakengre rouka an i phoub.

Gosewe laba 20:1

Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Remarja 13:13

Djivas yaake djoudjo, har djivenn i menshe ap o dives. Te djas gar kote, kay rhan le pen nasselo oun piyenn pen mato! Te kras gar vi-ladjedo koova! Te čingras gar, oun dikas gar čilače yakentsa ap kova, hoy o vavares hi!

1. Korintarja 10:12

Doleske, koon penella, kay yob zoreles an o patsepen hi, dell yak, te perell lo gar.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

Tito 2:2

Pen i phoure morshenge, te penenn le kek dinelo koova, te djivenn le lačes glan i menshende, te denn le yak, hoy yon rakrenna, te ačenn le an o čačo patsepen, te kamenn le i menshen o tselo djiyestar, oun te venn le gar khino an o patsepen!

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!