1. Mose 9:20 - O Debleskro Lab 2024 (Sinte-Manouche)

²⁰ Oun o Noah his i harho oun čivas drakengre rouka an i phoub.

O Debleskro Drom 2021 (Sinte)

²⁰ Un o Noah his i hacho un tchiwas drakengre ruka an i phub.

1. Mose 9:20 Iomraidhean Croise

1. Mose 3:23

Oun o baro Devel, maro ray, bičras les vin dran i baar Eden, te boudrell yob ap i harhetikri phoub. Dran i čik i phoubyatar vas o mensho kerdo. Oun kanna hounte boudrell yob koy pre.

1. Mose 4:2

Oun pal kova anas yoy i douyto čaves ap i phoub. Koles das li o lab Abel. O Abel vas i bakrengro. O Kayn vas i harho oun boudras ap i harhetikri phoub.

1. Mose 5:29

Oun yob das les ko lab Noah oun penas: “Mari boudi hi pharo ap i harhetikri phoub, kay čivas o baro Devel i bibarht pre. O Noah dell mare djia nevi zoor.”

1. Mose 9:19

Kolla triin hi i čave o Noahestar. Lendar venna i tsele menshe ap i phoub.

1. Mose 9:21

Dran i drake kras yob mool, vas lo mato, rivas peskre koola vin oun his nanges an peskri plarhteno kheer čiddo.

Gosewe laba 10:11

Har i brounna dran kolate djido pani nashell, yaake hi i laba kolestar, kay an o čačepen tardo hi. Pal i laba i čilačendar hi lengro djoungelo koova khatedo.

Gosewe laba 12:11

Koon ap peskro kotar phoub boudrell, koleske vell boud maro. Koon savo koova pal nashell, hoy či moldo hi, kova hi narvelo.

Gosewe laba 24:30

Me djom glan vergel ko kotar phoub savestar, kay kamell gar te boudrell, oun dikom i drakengro them yekestar, koles či an o shero hi.

Sikepaskro 5:9

Kova, kay i love kamella, koles nay vell gar doha love. Oun kova, kay lell pes bravlepen khetne, koles nay vell vitar gar doha. Ninna kava koova hi čičeske.

Kamlepaskri gili 1:6

Ma dikenn tele ap mande, har kalo hom! O kham rhačas man kales. Mire phrala his rhoyedo ap mande, oun kaman te dap garda ap i drakengre rouka. Ap miro shoukapen nay dom kek garda.

1. Korintarja 9:7

Kek tserdella an o kourepen oun playsrell pes kokres. Kek čivell i drakengre rouka an i phoub, oun rhal gar i drake. Kek dell peskre bakren zenlepen te rhal, oun piyell gar lengro thoud.

5. Mose 20:6

Hi mank t'mende yek, kay drakengre rouka an i phoub čivas, oun las gomme kek drake dren? Kova hounte djal pale an peskro kheer, te merell lo gar an o kourepen, oun i vavar morsh lell kol drake.

5. Mose 28:30

Kova mank t'mende, kay poučas i terni čay, te romedinerell li les, dikell, har i vavar morsh vell oun lell lat peske. Kova, kay čivas peske i kheer pre, nay djivell gar dren. Kova, kay čivas drakengre rouka an i phoub, nay rhal gar lengre drake.