1. Mose 9:2 - O Debleskro Lab 2024 (Sinte-Manouche)

² I tsele firhe ap i phoub oun i tsele čirkle an o bolepen hounte darenn oun trashenn t'mendar. Halauter, hoy djivella ap i phoub, oun i tsele mače an o baro pani, dau an t'mare vasta.

O Debleskro Drom 2021 (Sinte)

² I tsele vieche ap i phub un i tsele tchirkle an o bolepen hunte darenn un trashenn tumendar. Halauter, hoi djiwella ap i phub, un i tsele matche an o baro pani, dau an tumare wasta.

1. Mose 9:2 Iomraidhean Croise

1. Mose 1:21

Yaake kras o Devel bare panyengre firhen, oun ninna hako vavar firho, hoy an o pani hi, ninna hake čirkle. Oun o Devel dikas, kay kova mishto hi.

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Mose 2:19

Oun o baro Devel, maro ray, kras dran čik i tsele firhen ap o them oun i tsele čirklen an o bolepen. Oun yob anas len pash o romeste, te dikell lo, havo lab yob len della.

1. Mose 35:5

Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

1. Mose 9:1

Oun o Devel rakras lače laba pral o Noah oun pral leskre čavende vin oun penas: “Anenn boud čaven ap i phoub, te vell i phoub t'mendar pherdo!

1. Mose 9:3

Halauter, hoy djivella, dau me t'mende, te rhan kova nashte. Me dau les t'men te rhal, yaake har dom t'men o zenlepen.

Hiob 39:11

Fothe zorelo yob hi, nay deh tou leske tiri boudi an o vast, oun nay djineh, te krell lo, hoy tou lestar kameh?

Ezekiel 34:25

Oun me pandau miro dji ap lende, oun krau lentsa vin, te nay djivenn le an o lačepen. Hake divye firhen tradau krik dran o them. Oun an o moulo them nay djivenn le kek daryah. Oun an i vesha sovenn le.

Hosea 2:18

Palle, penell o baro Devel, kharell li man pale miro rom, oun gar bouder miro Baal.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

3. Mose 26:6

T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

Jakobo 3:7

I menshe hi i raya pral i tsele divye firhende, ninna pral i čirkle, pral i bare sapa oun pral i bare mače. Oun kolla hounte krenn, hoy i menshe kamenna.