1. Mose 9:10 - O Debleskro Lab 2024 (Sinte-Manouche)

¹⁰ oun lauterenge pash t'mende, hoy djido hi, – lauterenge, kay djan vin dran o panyeskro kheer: hake čirkle oun hake firhe ap i phoub, kolla, kay divye hi oun kolla, kay gar divye hi.

O Debleskro Drom 2021 (Sinte)

¹⁰ un lauterenge pash tumende, hoi djido hi, – lauterenge, kai djan win dran o panjeskro kheer: hake tchirkle un hake vieche ap i phub, kolla, kai diwje hi un kolla, kai gar diwje hi.

1. Mose 9:10 Iomraidhean Croise

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

1. Mose 8:19

I tsele firhe, i bare oun i tikne, oun i tsele čirkle, halauter, hoy djivell ap i phoub, djas ninna dran o panyeskro kheer. Hako kopo djan kolla khetne, kay his i emlige firhendar.

1. Mose 9:11

Kova hi ko lab, kay dau miro vast koy pre: Me anau bouder gar savo baro pani pral i phoub, te tassell hako djipen ap i phoub. Savo baro pani vell bouder gar pral i phoub.”

1. Mose 9:9

“Shounenn, me dau t'men miro lab oun dau miro vast koy pre. Ko lab hi t'menge oun t'mare čavenge, kay pal t'mende venna,

Debleskri gili 145:9

O baro Devel hi lačes ap hakeneste. Oun krell peskro dji pre halauterenge, kolen yob kras.

Hosea 2:20

An ko tsiro krau i divye firhentsa, i čirklentsa oun i sapentsa vin, te krenn le lake kek čilačepen. Me phagau o tselo kourepaskro koova paash, i boge oun i rhare an o them. Oun moukau len kek daryah kote te djivell.

Jona 4:11

Oun man te khaytenn gar kol tsele menshe an o foro Ninive? Kate djivenn boudeder har 120.000 (sheel-te-biish-zerya) menshe, kay gar djinenna, hoy lačo oun čilačo hi, oun koy pashel boud firhe!”