1. Mose 8:22 - O Debleskro Lab 2024 (Sinte-Manouche)

²² Yaake rah, har i phoub koy hi, vitsrenn le djob ap i phoub oun anenn le pale nevo djob dren. Yaake rah, har i phoub koy hi, ačenna shilapen oun tatepen, niyal oun vend, dives oun rati.”

O Debleskro Drom 2021 (Sinte)

²² Jaake rah, har i phub koi hi, witsrenn le djob ap i phub un anenn le pale newo djob dren. Jaake rah, har i phub koi hi, atchenna shilapen un tatepen, nijal un wend, diwes un rati.”

1. Mose 8:22 Iomraidhean Croise

1. Mose 45:6

Douy bersha bokan le an kava them. Oun panč bersha hi glan lende, kay čivrenn le nay kek djob an i phoub, vitar gar anenn le djob dren.

2. Mose 34:21

Shob divessa krenn t'mari boudi! Ap o eftato dives krenn či! Kova te vell yaake hako tsireske, ninna ko tsireske, kay t'mer boudrenn ap t'maro kotar phoub oun kay t'mer anenn o djob dren.

Jeremia 31:35

Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

Jeremia 5:24

An pengro dji penenn le gar: Mer te dikas pre ap maro baro Debleste! Yob bičrell menge o brishin an o čačo tsiro, brishin an o vend oun brishin an i niyal, te vell men o djob rhapaske an ko čačo tsiro.

Jakobo 5:7

Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.