1. Mose 8:21 - O Debleskro Lab 2024 (Sinte-Manouche)

²¹ Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

O Debleskro Drom 2021 (Sinte)

²¹ Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

1. Mose 8:21 Iomraidhean Croise

1. Mose 3:17

Oun ap o romeste penas o Devel: “Tou shounal ap tiri romyate oun rhal ko roukestar, kay penom touke: Ma rha kolestar. Doleske vell bibarht ap i harhetikri phoub. Tou boudress phares ap i phoub, te vell tout rhapaske, yaake rah har djiveh.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

1. Mose 5:29

Oun yob das les ko lab Noah oun penas: “Mari boudi hi pharo ap i harhetikri phoub, kay čivas o baro Devel i bibarht pre. O Noah dell mare djia nevi zoor.”

1. Mose 6:13

Doleske penas o Devel ap o Noah: “Kolla, kay djivenn ap i phoub, kran, te vas i phoub pherdo čilačepen oun midjak koova. Kamau gar, te djivenn le doureder. Ava, me krau, te merenn i tsele menshe oun halauter, hoy ap i phoub hi.

1. Mose 6:17

Dik! Me moukau i baro pani te vell pral i tseli phoub, te tassenn lauter, kay djipen an lende hi. Halauter merella, hoy ap i phoub djivella.

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 6:7

Doleske penas o baro Devel: “Me lau i tsele menshen, kay me krom, pale krik i phoubyatar, ninna i firhen, i baren oun i tiknen, oun i čirkle. Khaytell man, kay krom len.”

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Debleskri gili 58:3

Na-a, kova krenn t'mer gar. T'mer kamenn o čilačepen te krell. T'mare vastentsa krenn djoungelo koova.

Debleskri gili 58:4

I čilače peran o čačo dromestar tele, yaake rah har yon boldo van. Foun tiknes pre djan le i rhorheno drom.

2. Mose 29:18

Oun rhače o tselo bakro ap i rhačepaskri, yaake te djal lauter pre an i yagakro dourho. Ko bakro hi mange, o baro Debleske, oun vell tseles rhačedo. Oun o lačo soungepen, hoy vell vin, soungell mange mishto.

2. Mose 29:25

Palle le les dran lengre vasta oun rhače les pre ap o Debleskri rhačepaskri pral ko vavar bakro, hoy tou tseles rhačral, yaake te djal kava lauter ninna pre an i yagakro dourho. Oun o lačo soungepen, hoy vell vin, soungell mange, o baro Debleske, mishto.

Gosewe laba 20:9

Koon nay penell pestar: Me rikrom miro dji djoudjes, man hi kek doosh?

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jesaja 47:12

Stake glan, pen kol tsele laba pre, hoy te rikrenn i bibarht dour toutar! Kre tiro bengeskro koova, hoy kral foun tiknes pre! Dik, har tou tout koy nay vin leh!

Jesaja 47:15

Yaake hi kol tsele dravepangre, kolentsa khetne boudral, kolla, kay paran touha foun ko tsiro, har terno hals. Kek lendar nay rikrell pes ap peskre herya, oun perell foun yek rig ap i vavar. Oun kek hi koy, kay lell tout vin dran i bibarht.

Jesaja 48:8

An kek tsiro shounan t'mer, hoy penom, vitar gar kaman kova te djinell. Oun i rah tsiro his t'mare kanda pandlo mire labenge. Čačepah, me djinom t'maro phoukepen. Oun yaake rah har ap i phoub han, venn t'mer kharedo: Kolla, kay kamenn či o Deblestar te djinell.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jesaja 65:6

Dikenn, kova lauter hi pre činlo an i liil glan mande. Oun me rikrau gar miro mouy, bis te dom len ko tselo čilačepen pale, hakeneske ap peskro shero:

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Jeremia 18:12

Yon penenn: “Na-a, hoske? Mer kamah yaake te djivell, har mer kamah.” Oun hakeno djal pal peskro shero oun krell, hoy leskro čilačo dji leske penella.

Jeremia 8:6

Me dikau oun shounau, kay rakrenn yon gar o čačepen. Koy hi kek, kay khaytell les havo čilačepen yob kras. Kek poučella: Hoy krom me? Hakeno nashella doureder ap peskro drom, har i gray an o kourepen.

Ezekiel 20:41

Te soungau ko lačo soungepen, hoy dran kova vin vell, hoy t'mer mange rhačrenn, dikau lačes ap t'mende. Yaake vell kova an ko tsiro, kay lom t'men vin dran i themma oun natsyone, kay van tradedo. Oun i tsele vavar natsyone dikenn, te hom me o čačo Devel.

3. Mose 1:17

Palle taprell o rashay o čirkleskre moussya oun tserdell o čirkles pre, oun rhačrell les ap i kasht pral i yag, hoy ap i rhačepaskri hi. Yaake hounte vell i čirklo anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

3. Mose 1:9

I bouke oun i herya hounte van thodo. Kova krell ko morsh, kay anas ko firhes. Oun o rashay moukell halauter ap i rhačepaskri pre te rhačrell. Yaake hounte vell i firho anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

3. Mose 26:31

Me moukau t'mare forya an kotya te dell, oun dau kol platse paash, kay t'mare rhorhene deblen an-mangan. Oun kova, hoy t'mer mange rhačrenn, oun ko lačo soungepen, hoy vell vin, kova kamau bouder gar te soungell.

3. Mose 4:31

Oun o tselo thulepen činell lo tele, yaake har činell lo o thulepen tele ko firhestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri, te vell i lačo soungepen vin, hoy baro Debleske mishto soungella. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell leskri doosh.

3. Mose 8:28

Oun o Mose las lauter pale dran lengre vasta, čivas les ap o Debleskri rhačepaskri pral pre ap ko mass ko firhestar, hoy vell tseles rhačedo, oun moukas les te rhačrell. Kava hi ko rhapen, hoy vas o baro Debleske rhačedo, har van i rashaya an pengri boudi dren čiddo. Oun o lačo soungepen, hoy vas vin, soungas mishto o baro Debleske.

4. Mose 15:3

oun t'mer anenn i firhes t'mare groumyendar oun bakrendar rhačepaske o baro Debleske, hounte denn t'mer i rhapen koy pashel. Krenn kova pash hako firho, hoy mange anenn: pash ko firho, hoy vell tseles rhačedo mange; pash ko firho, hoy rhan t'mer khetne glan mande; pash ko firho, koleha i mensho sikrell, te das lo pes sovel, te dell lo man čomone; pash ko firho, hoy kamell i mensho pestar mande te dell; pash ko firho, hoy rhačrenn t'mer mange ap t'mare bare divessa. O lačo soungepen kol firhendar hi mishto mange. Ko rhapen, hoy anenn pashel, hounte vell yek kilogrammi lačo yarro, oun yek litari djet. Kova vell halauter khetne kerdo.

Mateo 15:19

Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

Johanni 3:6

Koon i menshestar boldo vella, hi i mensheskro čavo. Koon dran o Debleskro Dourho boldo vella, hi i Debleskro čavo.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Remarja 3:23

Lauter kran o čilačepen oun van pale-čiddo glan o Debleste.

2. Korintarja 2:15

Te rakrah o lačo lab o Yezous Kristestar, hi o Devel barhtelo pral kova. Kova hi leske har i shoukar soungepen, hoy djal pash kolende, kay lenn o Debleskro djipen oun ninna pash kolende, kay djan nashedo.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

1. Johanni 5:19

Mer djinah, kay ham o Deblestar. I tsele vavar menshe ap i phoub hi an o bengeskro vast.

1. Samuel 26:19

Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!