1. Mose 8:20 - O Debleskro Lab 2024 (Sinte-Manouche)

²⁰ Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

O Debleskro Drom 2021 (Sinte)

²⁰ Un o Noah kras i chatchepaskri platsa un las hake viechendar, kai gar pale-tchiddo hi un hake tchirklendar, kai gar pale-tchiddo hi. Un das len mulo un chatchras len ap koi platsa, te parkrell lo pes pash o baro Debleste.

1. Mose 8:20 Iomraidhean Croise

1. Mose 13:18

Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

1. Mose 13:4

Kote his koy platsa, kay yob i Debleskri rhačepaskri kras. Oun kote kharas yob pale o baro Debles an.

1. Mose 22:2

Penas o Devel: “Le tiro yek čaves, koles, kay tou o djiyestar kameh, o Isaakes. Oun dja leha an ko them Moriya ap koy berga, hoy me touke penau! Oun mare oun rhač les mange kote!”

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

1. Mose 26:25

Oun kote kras o Isaak i rhačepaskri, te venn firhe rhačedo o Debleske, oun mangas o baro Debles an. Oun kote čivas yob peskro plarhteno kheer pre. Oun peskre boudepangre hadan kote i brounna vin.

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

1. Mose 35:7

Har o Yakob peskro phralestar krik nashas, moukas pes o Devel kote lestar te dikell. Doleske kras yob kote i rhačepaskri o Debleske, kay venn firhe leske rhačedo. Oun das koy platsa ko lab El-Betel.

1. Mose 4:4

Oun o Abel las tikne bakren, kay i phoureder čave pengre dayendar hi, maras len oun rhačras lengre feteder kotya o Debleske. Oun o baro Devel dikas lačes ap o Abel oun ap kova, hoy yob rhačras leske.

1. Mose 7:2

Le firhen touha an o panyeskro kheer: Hake firhendar, kay hi gar pale-čiddo, le efta morshen pengre djouvyentsa! Oun hake pale-čidde firhendar le yek morshes oun peskri djouvel.

1. Mose 7:3

I čirklendar le ninna efta morshen oun efta djouvyen! Kre kova, te lenn le čave oun merenn gar vin ap i phoub.

1. Mose 8:19

I tsele firhe, i bare oun i tikne, oun i tsele čirkle, halauter, hoy djivell ap i phoub, djas ninna dran o panyeskro kheer. Hako kopo djan kolla khetne, kay his i emlige firhendar.

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

2. Mose 10:25

O Mose penas: “Na-a, ninna te kamals tou men firhen te dell, hoy mer maro baro Debleske marah oun rhah, ninna saven, hoy mer leske tseles rhačrah,

2. Mose 29:18

Oun rhače o tselo bakro ap i rhačepaskri, yaake te djal lauter pre an i yagakro dourho. Ko bakro hi mange, o baro Debleske, oun vell tseles rhačedo. Oun o lačo soungepen, hoy vell vin, soungell mange mishto.

2. Mose 29:25

Palle le les dran lengre vasta oun rhače les pre ap o Debleskri rhačepaskri pral ko vavar bakro, hoy tou tseles rhačral, yaake te djal kava lauter ninna pre an i yagakro dourho. Oun o lačo soungepen, hoy vell vin, soungell mange, o baro Debleske, mishto.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Hebrearja 13:10

Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.