1. Mose 7:21 - O Debleskro Lab 2024 (Sinte-Manouche)

²¹ Oun koy meras halauter ap i phoub, hoy djido his: i čirkle oun i firhe, – kolla, kay divyo hi oun kolla, kay gar divyo hi, ninna i tikne firhe, hoy djan pral i phoub, oun i tsele menshe.

O Debleskro Drom 2021 (Sinte)

²¹ Un koi meras halauter ap i phub, hoi djido his: i tchirkle un i vieche, – kolla, kai diwjo hi un kolla, kai gar diwjo hi, ninna i tikne vieche, hoi djan pral i phub, un i tsele menshe.

1. Mose 7:21 Iomraidhean Croise

1. Mose 1:25

Oun o Devel kras hake divye firhen oun hake firhen, kay gar divye hi, ninna i tsele tikne firhen ap i phoub. Oun yob dikas, kay kova mishto hi.

1. Mose 6:13

Doleske penas o Devel ap o Noah: “Kolla, kay djivenn ap i phoub, kran, te vas i phoub pherdo čilačepen oun midjak koova. Kamau gar, te djivenn le doureder. Ava, me krau, te merenn i tsele menshe oun halauter, hoy ap i phoub hi.

1. Mose 6:17

Dik! Me moukau i baro pani te vell pral i tseli phoub, te tassenn lauter, kay djipen an lende hi. Halauter merella, hoy ap i phoub djivella.

1. Mose 7:4

An efta divessa moukau me brishin tele te vell ap i phoub: star-desha divessa oun star-desha rati, yaake te merell ap i phoub o tselo djipen, hoy krom.”

Hiob 34:15

palle merans halauter, hoy djivenn, ap yek kopo, oun o mensho vals pale čik.

Jesaja 24:19

Oun i phoub phagell khetne, phagell an kotya oun perell khetne.

Jesaja 24:6

Doleske rhal i bibarht i tseli phoub pre. Oun kolla, kay koy djivenn, lenn pengri phagi. Boud oun boudeder merenn. Oun gar boud ačenn djido.

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

Joel 2:3

Glan lende djal i yag oun pal lende rhačell i phoub. Glan ko tsiro, kay venn le, hi o them har o Debleskri baar Eden, oun te djan le pral vergel, ačell i divyo paash them. Kek nay nashell lendar krik.

Zefanja 1:3

i menshen, i firhen, i čirklen oun i mače. Me lau i čilačen krik i phoubyatar, oun khetne lentsa lauter, hoy kras, te peran le mandar tele. Ava, kek mensho ačell djido ap kay phoub. Kova penell o baro Devel.

Mateo 24:39

hayvan le gar, hoy koy djas. O baro pani vas pral lende, oun yon lauter tassan. Yaake djal kova ninna ap ko dives, kay vell o Mensheskro Čavo pale.

Louka 17:27

Kol menshe rhan, piyan, oun romedineran, bis ap ko dives, kay o Noah an o panyeskro kheer djas, oun o baro pani vas, oun lauter tassan le.

Remarja 8:20

Halauter, hoy o Devel kras, hounte djal paash, ninna te kamenn le kova gar. O Devel kamas kova yaake. Yaake kras lo ninna, te dikenn le ap ko tsiro,

Remarja 8:22

Mer djinah, halauter, hoy o Devel kras, rovell oun dell gole i doukatar bis kava dives.

2. Petro 2:5

Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.