1. Mose 7:13 - O Debleskro Lab 2024 (Sinte-Manouche)

¹³ Ap ko dives djas o Noah peskri romyah oun peskre čaventsa, o Sem, o Ham oun o Yafet, oun kolengre romya an o panyeskro kheer.

O Debleskro Drom 2021 (Sinte)

¹³ Ap ko diwes djas o Noah peskri romjah un peskre tchawentsa, o Sem, o Ham un o Jafet, un kolengre romja an o panjeskro kheer.

1. Mose 7:13 Iomraidhean Croise

1. Mose 10:21

O Yafeteskro phoureder phraal, o Sem, las ninna čave. Yob his o dad i tsele menshendar Eber.

1. Mose 10:6

O Ham: Leskre čave hi: o Koush, o Misrayim, o Pout oun o Kanaan.

1. Mose 5:32

O Noah his 500 (panč-sheel) bersha phouro oun lestar van o Sem, o Ham oun o Yafet boldo.

1. Mose 6:10

Les his triin čave: o Sem, o Ham oun o Yafet.

1. Mose 6:18

Tout dau miro lab, kay ačeh djido. Koy dau miro vast pre. Oun tou djas tire čaventsa oun tiri romyah oun tire čavengre romyentsa an o panyeskro kheer dren.

1. Mose 7:1

Oun o baro Devel penas ap o Noah: “Dja an ko panyeskro kheer: tou oun tiri tseli familya. I tsele menshendar ap i phoub hal tou kokres lačo oun čačo glan mande.

1. Mose 7:14

Khetne lentsa djan ninna hake firhendar – kolendar, kay divyo hi oun kolendar, kay gar divyo hi, ninna hake tikne firhendar, hoy djan pral i phoub, oun hake čirklendar.

1. Mose 8:14

Ap o biish-te-eftato dives an o douyto čon his i tseli phoub trouk.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

1. Petro 3:20

Yob djas pash kol moulende, kay djivan an ko tsiro, kay o Noah djivas. Har o Noah ko panyeskro kheer kras, das o Devel i menshen i rah tsiro, te venn le pash leste. Oun yon van gar. His gar boudeder har orhta menshe, kay djan an o panyeskro kheer. Oun kolla tassan gar an o pani.

2. Petro 2:5

Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.

Čačepangre 21:22

Oun te venn lengre dada oun lengre phrala, te čingrenn le mentsa, palle kamah lenge te penell: Avenn menge lačes, oun moukenn lenge kol čen! Mer nashte lap gar hakeneske lendar i romni an o kourepen. Oun t'mer han gar kolla, kay dan len lende. Yaake anenn t'mer kek doosh ap t'mende, te moukenn t'mer len lende.”