1. Mose 7:11 - O Debleskro Lab 2024 (Sinte-Manouche)

¹¹ Har o Noah 600 (shob-sheel) bersha phouro his, an o douyto čon an ko bersh, ap o deesh-te-eftato dives vas o pani, hoy an i phoub hi, i zoryah vin.

O Debleskro Drom 2021 (Sinte)

¹¹ Har o Noah 600 (shob-sheel) bersha phuro his, an o duito tchon an ko bersh, ap o deesh-te-eftato diwes was o pani, hoi an i phub hi, i sorjah win.

1. Mose 7:11 Iomraidhean Croise

1. Mose 1:7

O Devel kras o bolepen. Oun pani his koy pral, oun pani his koy tel ap i phoub.

1. Mose 6:17

Dik! Me moukau i baro pani te vell pral i tseli phoub, te tassenn lauter, kay djipen an lende hi. Halauter merella, hoy ap i phoub djivella.

1. Mose 7:6

Oun o Noah his 600 (shob-sheel) bersha phouro, har vas o baro pani pral i phoub.

1. Mose 8:14

Ap o biish-te-eftato dives an o douyto čon his i tseli phoub trouk.

1. Mose 8:2

Kek zorelo pani vas bouder dran i phoub. Oun o bolepen rikras o baro brishin pale.

2. Rajengro liil 7:19

Oun koy pre penas ko pralstouno lourdo ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” Oun o Elisa penas koy pre: “Tire yakentsa dikeh tou kova, oun či rhah tou kolestar.”

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

Hiob 12:15

Rikrell yob o brishin pale, vell o tselo them trouk. Moukell lo boud brishin te perell, čakrell boud pani o them, oun krell les paash.

Hiob 28:4

Dour krik foun kotar, kay menshe djivenn, krenn le i grouba, hoy djal dour tele, kote kay kek mensho ap i raysa djal. Oun pandenn pen ap i shello, oun moukenn pen tele an koy grouba, dour krik i vavar menshendar.

Hiob 38:16

Hals tou an o telstunepen kay i bare panya boldo van? Oun hatsal vin, hoy kote khatedo hi an o telstunepen?

Hiob 38:37

Koon hi yaake gosevo, te djinell lo, har boud volke koy hi? Koon čorell lengro pani ap i phoub tele?

Debleskri gili 33:7

Yob rikrell i bare panya khetne har an i gono, oun čivell i bare panya khetne har an i kheer.

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

Gosewe laba 3:20

Leskri gosvepah moukas lo pani te vell dran i phoub oun brishin dran o bolepen.

Jesaja 24:18

Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

Jesaja 24:19

Oun i phoub phagell khetne, phagell an kotya oun perell khetne.

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Jeremia 51:16

Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

Ezekiel 26:19

Kava penell o baro Devel, maro ray: Me krau, te vess tou i moulo foro har kol forya, kay bouder kek djivell. Me moukau boud pani pral toute te vell, te djas tele.

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Mateo 24:38

Glan ko tsiro, har o baro pani vas, rhan oun piyan le, romedineran le, oun van romedino. Har o Noah an o panyeskro kheer djas,

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

2. Petro 3:6

Koy phouri phoub djas tele an o baro pani.